Audi ရဲ့ လျှပ်စစ်ကားအားလုံးကို “E-Tron” ဆိုတဲ့ နာမည်အောက်ကနေထုတ်လုပ်မည်

Audi ဟာ အနာဂါတ်မှာ ထွက်ရှိလာမယ့် သူတို့ရဲ့ လျှပ်စစ်ကားတွေကို လွယ်ကူရိုးရှင်းစွာပဲ E-Tron လို့ နာမည်ပေးထားကြောင်း ထုတ်ဖော်ခဲ့ပါတယ်။ ဒါပေမယ့် ဒါဟာ မော်ဒယ်၊ ဒီဇိုင်း၊ နံပါတ်တွေမပါသေးတဲ့ နာမည်ပဲ ဖြစ်ပါတယ်။ ကားထုတ်လုပ်သူအနေနဲ့ ကားသစ်တွေကို လွန်ခဲ့တဲ့ ၈၀ပြည့်လွန်နှစ်တွေတုန်းက ထုတ်လုပ်ခဲ့တဲ့ All Wheel Drive အမျိုးအစားကားတွေအားလုံးကို Quattro လို့နာမည်ပေးခဲ့သလိုပဲ ပေးမှာ ဖြစ်တယ်လို့ သိရပါတယ်။

audi-electric-cars2

“ဒါဟာ Audi ရဲ့ ပထမဆုံး Quattro မော်ဒယ်နဲ့ နှိုင်းယှဉ်ကြည့်နိုင်ပြီး အလွယ်တကူပဲ Quattro လို့သိသွားကြပါတယ်” လို့ Audi ရဲ့ အရာရှိချုပ်ဖြစ်သူ Rupert Stadler ကဆိုပါတယ်။ “တစ်ချိန်ကျရင် E-Tron ဆိုတဲ့ နာမည်ဟာ သန့်စင်စွမ်းအင်နဲ့ လည်ပတ်တဲ့ လျှပ်စစ်ကားတွေရဲ့ ရှေ့ဆောင်နာမည်တစ်မျိုး ဖြစ်လာမှာပါ” လို့လည်း ပြောကြားခဲ့တာပါ။

Audi ဟာ E-Tron ဆိုတဲ့ နာမည်ကို အရင်ထွက်ခဲ့ဖူးတဲ့ မော်ဒယ်နှစ်မျိုးမှာ ပေးခဲ့ဖူးပါတယ်။ E-Tron ဟာ လျှပ်စစ်ကားတွေအတွက် သီးသန့်ကိုယ်စားပြုထားတဲ့ နာမည်ဖြစ်ကြောင်းလည်း Rupert Stadler ကဆိုခဲ့တာပါ။ Audi ဟာ အောက်မှာပြထားတဲ့ ဆီဒင်ကားအမျိုးအစား သစ်တွေကိုလည်း လာမယ့် ၂၀၂၀ခုနှစ်မှာ ထုတ်လုပ်ဖို့အတွက် စီစဉ်ထားပါတယ်။

audi-electric-cars3

Ref: Engadget

%d bloggers like this: