တေးသွားအလိုက် မိုးကြိုးမုန်တိုင်းတွေပါ ဖန်တီးနိုင်တဲ့ လေပေါ်ပျံတိမ်တိုက်စပီကာ

Apple နဲ့ Spotify တို့က Cloud ဂီတစနစ်အတွက် ပြိုင်ဆိုင်မှုတွေ ပြင်းထန်နေချိန်မှာ၊ ဒီဇိုင်နာတစ်ဦးကတော့ ဂီတသံတွေပေးစွမ်းမယ့် တကယ့်တိမ်တိုက်တစ်ခုကို တီထွင်လိုက်ပြီဖြစ်ပါတယ်။

ယခုတိမ်တိုက်စပီကာဟာ လွန်ခဲ့တဲ့နှစ်နှစ်လောက်က ထွက်ရှိထားတဲ့ Smart Cloud စပီကာလို ခေါင်မိုးတစ်ခုကနေ ကြိုးနဲ့ဆွဲထားစရာမလိုဘဲ၊ လေပေါ်ပျံဝဲနေမှာဖြစ်ကာ မိုးကြိုးမုန်တိုင်းတွေကိုလည်း သီချင်းသံစဉ်နဲ့အလိုက် ဖန်တီးနိုင်ပါသေးတယ်။

img_1803

ဒီဇိုင်နာ Richard Clarkson နဲ့ နယ်သာလန်အခြေစိုက် သံလိုက်အားသုံးလေပေါ်ပျံဝဲမှုနည်းပညာကုမ္ပဏီ Crealev တို့ရဲ့  ‘Making Weather’ ပရောဂျက်ကနေ ယခုစပီကာမော်ဒယ်ကို ထုတ်လုပ်လိုက်တာပါ။

အသုံးပြုမယ်ဆိုရင် တိမ်တိုက်အောက်ခြေကို ကြိုးနဲ့အားသွင်းထားရမှာဖြစ်ပြီး၊ တိမ်တိုက်မှာလည်း အားပြန်သွင်းနိုင်တဲ့ လီသီယမ်အိုင်းယွန်းဘက်ထရီပါဝင်ပါတယ်။ လျှပ်စစ်သံလိုက်အားနဲ့ တိမ်တိုက်က အောက်ခြေပြားကနေ ၂ လက်မလောက် လေပေါ်ကြွတက်နေမှာဖြစ်ပြီး၊ တိမ်တိုက်ထဲမှာပါဝင်တဲ့ LED မီးစနစ်က မိုးကြိုးမုန်တိုင်းအတုတွေကို သီချင်းနဲ့အတူ ဖန်တီးပြမှာဖြစ်တာကြောင့် မြင်ရသူပေါင်းအဖို့ ပါးစပ်အဟောင်းသားဖြစ်စေမယ့် စပီကာတစ်လုံးပါ။

img_1784

ရိုးရိုး Bluetooth စပီကာတွေလိုပဲ အသံထွက်အရည်အသွေးကလည်း ကောင်းမွန်မှုရှိတာကြောင့် ဒီဇိုင်းဆန်းဆန်းစပီကာတစ်လုံးကိုမှ လိုချင်သူ ဂီတဝါသနာရှင်တွေ တကယ့်ကိုသဘောတွေ့မယ့် စပီကာဖြစ်ပါတယ်။

လောလောဆည်တော့ ရှေ့ပြေးမော်ဒယ်အဆင့်မှာပဲရှိသေးပြီး၊ မကြာခင်ထုတ်လုပ်ရောင်းချနိုင်ဖို့ မျှော်မှန်းထားတယ်လို့ သိရပါတယ်။ ဒီဇိုင်းက ပါးစပ်အဟောင်းသားဖြစ်စေသလို၊ ဈေးကလည်း ဒေါ်လာ ၄၀၀၀ လောက်ရှိမှာဆိုတော့ မေးရိုးတွေပါ ပြုတ်ကျသွားမယ့်အနေအထားပါ။

Ref:  The Verge, Richard Clarkson

Comments

comments

Ye Wint
A perfect combination of cosmic dusts.
http://digitaltimes.com.mm/author/yewint/
Top