Xiaomi ရဲ့ အရမ်းမြန်တဲ့ 200W Charging ပါတဲ့ ဖုန်း လာတော့မည်

၂၀၂၁ ခုနှစ် မေလမှာ Xiaomi ဟာ 200W Wired နဲ့ 120W Wireless HyperCharge နည်းပညာကို ကြေညာခဲ့ပါတယ်။ 120W Wireless နည်းပညာနဲ့ ပတ်သက်တဲ့ သတင်းအသစ်တွေ မထွက်လာပေမယ့် Xiaomi ဟာ 200W HyperCharge နည်းပညာ ပါတဲ့ စမတ်ဖုန်း အသစ် ၁ လုံးကို မကြာခင် ကြေညာတော့မယ်လို့ ထင်ရပါတယ်။ Xiaomi ဟာ တရုတ်က 3C မှာ 200W Charger အတွက် ခွင့်ပြုချက်ကို ရသွားပါပြီ။

Xiaomi 200W

အဲဒီ Charger ရဲ့ မော်ဒယ်နံပါတ်ဟာ MDY-13-EU ဖြစ်ပြီး အမြင့်ဆုံး အားသွင်းနှုန်း 20V/10A (200W) အထိ ထောက်ပံ့နိုင်တယ်လို့ ဖော်ပြထားပါတယ်။ 5V3A, 9V3A, 11V6A , 17V10A Charging တွေနဲ့ Backward Compatible ဖြစ်ပါတယ်။ 3C Certification အရ Xiaomi ဟာ လာမယ့် ရက်သတ္တပတ်အနည်းငယ်အတွင်းမှာ 200W Fast Charging ပါတဲ့ ဖုန်း ၁ လုံးကို ကြေညာတော့မယ်လို့ ထင်ပါတယ်။

Xiaomi ရဲ့ 200W HyperCharge နည်းပညာဟာ ၈ မိနစ်အတွင်း ဖုန်း ၁ လုံးကို အားအပြည့်သွင်းနိုင်ပါတယ်။ ဒီနှစ် အစောပိုင်းမှာ Xiaomi က 4,500mAh ဘက်ထရီ ပါတဲ့ Xiaomi Mi 10 Ultra မှာ 200W Charging ကို သရုပ်ပြခဲ့ပါတယ်။ 200W Charger ဟာ 4,000mAh ဘက်ထရီကို ၃ မိနစ်အတွင်း ၅၀ ရာခိုင်နှုန်းနဲ့ ၅ မိနစ်အတွင်း အားအပြည့်သွင်းနိုင်ပါတယ်။

Xiaomi ဟာ ဒီနှစ် ဒုတိယနှစ်ဝက်မှာ စွမ်းရည်မြင့် MIX 5 ကို ကြေညာတော့မှာ ဖြစ်ပြီး အဲဒီ ဖုန်းမှာ 200W Charging ပါလာနိုင်ပါတယ်။

Ref : gizmochina

%d bloggers like this: