PUBG ကစားခွင့် မပေးလို့ မိခင်ကို သေနတ်နဲ့ ပစ်သတ်လိုက်တဲ့ ဆယ်ကျော်သက် လူငယ်

အိန္ဒိယက ဆယ်ကျော်သက် လူငယ် ၁ ယောက်ဟာ PUBG ကစားခွင့် မပေးတဲ့ မိခင်ကို သေနတ်နဲ့ ပစ်သတ်ခဲ့ပါတယ်။ အသက် ၁၆ နှစ်အရွယ် လူငယ်ဟာ သူ့ ဖခင်ရဲ့ ပစ်စတို သေနတ်နဲ့ မိခင်ကို ပစ်သတ်ခဲ့တာ ဖြစ်ပြီး အလောင်းကို ၃ ရက်ကြာ နေအိမ်မှာ ဖွက်ထားခဲ့ပါတယ်။ သူ့ကို ရဲတွေက ခေါ်ယူ စစ်ဆေးပြီးနောက်မှာ သူက ပြစ်မှုကို ဝန်ခံခဲ့ပါတယ်။

PUBG MOBILE - Apps on Google Play

အခု ဖြစ်ရပ်ဟာ အူတာပရာဒက်ရှ်က လပ်နောင်းမှာ ဖြစ်ပွားခဲ့တာ ဖြစ်ပြီး လူငယ်ဟာ မိခင်နဲ့ စကားများပြီးနောက်မှာ သေနတ်နဲ့ ပစ်သတ်ခဲ့တာပါ။ သူနဲ့ မိခင်ဟာ PUBG ကစားတာနဲ့ ပတ်သက်ပြီး စကားများခဲ့ကြတာပါ။ ရဲတွေဟာ ဒီ ဖြစ်ရပ်ဟာ ဇွန်လ ၅ ရက်နေ့ နံနက် ၃ နာရီလောက်မှာ ဖြစ်ပွားခဲ့တာ ဖြစ်ပြီး လူငယ်ရဲ့ ဂိမ်းကစားတဲ့ Device ကို စစ်ဆေးနေတယ်လို့ ပြောပါတယ်။

PUBG MOBILE - YouTube

အခု ဖြစ်ရပ်ဟာ အိမ်မှာ ပိုက်ဆံတွေ ပျောက်နေတာနဲ့လည်း ပတ်သက်နေပါတယ်။ မိခင်က လူငယ်ကို ပိုက်ဆံတွေ ခိုးတယ်လို့ စွပ်စွဲခဲ့ပြီး PUBG ဂိမ်း ကစားတာကို ရပ်နားဖို့ ပြောခဲ့ပါတယ်။ အခုတော့ လူငယ်ကို ရဲတွေက ထိန်းသိမ်းထားပြီး ဆက်လက် စစ်ဆေးနေပါတယ်။

Ref : gizmochina

%d bloggers like this: