စနိုက်ပါနဲ့ စက်သေနတ် တပ်ဆင်နိုင်တဲ့ ဒရုန်းကို အစ္စရေး ကုမ္ပဏီ တီထွင်

အစ္စရေး လက်နက် ထုတ်လုပ်တဲ့ ကုမ္ပဏီ ၁ ခုက ဒရုန်းမှာ တပ်ဆင်နိုင်တဲ့ လက်နက်တွေကို တီထွင်လိုက်ပြီး ဒရုန်း ပျံသန်းနေချိန်မှာ တည်ငြိမ်နေ၊ လှုပ်ရှားနေတဲ့ ပစ်မှတ်တွေကို တိုက်ခိုက်နိုင်ပါတယ်။ အစ္စရေး ကုမ္ပဏီ Smart Shooter က တီထွင်လိုက်တဲ့ Smash Dragon ကို ဒရုန်းလို ယာဉ်ပျံ အမျိုးအစား များစွာမှာ တပ်ဆင်နိုင်ပါတယ်။

ဒရုန်းမှာ စနိုက်ပါ ရိုင်ဖယ်နဲ့ စက်သေနတ်တွေကို တပ်ဆင်နိုင်ပြီး အဝေးကနေ လူက ထိန်းချုပ်ခိုင်းစေနိုင်ပါတယ်။ လက်နက်ဟာ အရမ်းကို ပေါ့ပါးပြီး ထူးခြားဆန်းသစ်တဲ့ Stabilization နည်းပညာ အသစ်ကို အသုံးပြုထားပါတယ်။ အဲဒီအတွက် ဒရုန်းဟာ ဘယ်လောက် မြန်မြန် မောင်းနှင်နေပါစေ ပစ်မှတ်ကို တိကျစွာ ပစ်ခတ်နိုင်တယ်လို့ ကုမ္ပဏီက ပြောပါတယ်။

အဲဒီ နည်းပညာမှာ ကွန်ပြူတာ အမြင် စွမ်းရည် ထည့်သွင်းထားပြီး နေ့ရော ညပါ အလုပ်လုပ်နိုင်ပါတယ်။ Smash Dragon နဲ့ ပစ်ခတ် စမ်းသပ်မှုကို အောင်မြင်စွာ ပြုလုပ်ပြီးပြီ ဖြစ်ပြီး ရောင်းချနိုင်တဲ့ အနေအထား ရောက်အောင် ဆက်လက် တီထွင်နေပါတယ်။

အဲဒီ စနစ်မှာ ကုမ္ပဏီရဲ့ Smash 2000 နည်းပညာကို အသုံးပြုထားပြီး ပစ်မှတ်တွေကို တိကျစွာ တိုက်ခိုက်နိုင်ပါတယ်။ ကုမ္ပဏီရဲ့ စီအီးအို Michal Mor က အဲဒီ နည်းပညာကို တတ်နိုင်သလောက် ပေါ့ပါးအောင် ဆက်လက် ဖန်တီးသွားမှာ ဖြစ်တယ်လို့ ပြောပါတယ်။

Ref : businessinsider

%d bloggers like this: