Meta (Facebook) က ကမ္ဘာ့ အမြန်ဆုံး AI Supercomputer ကို တည်ဆောက်နေ

လူမှုကွန်ရက် ဂုရုကြီး Meta ဟာ AI Supercomputer ကို တည်ဆောက်တဲ့ နောက်ဆုံး နည်းပညာ ကုမ္ပဏီ ဖြစ်လာပါတယ်။ အဲဒီ မြန်နှုန်းမြင့် Computer ဟာ Machine Learning System တွေကို လေ့ကျင့်ပေးဖို့ အထူး ဒီဇိုင်းထုတ်ထားတာပါ။ Meta က အဲဒီ Computer ကို AI Research SuperCluster or RSC လို့ နာမည်ပေးထားပြီး သူ့ အမျိုးအစားထဲမှာ အမြန်ဆုံး ဖြစ်တယ်လို့ ပြောပါတယ်။ ၂၀၂၂ ခုနှစ် နှစ်လယ်မှာ တည်ဆောက်တာ ပြီးစီးမှာ ဖြစ်ပြီး ကမ္ဘာ့ အမြန်ဆုံး ဖြစ်လာမယ်လို့ ကြွေးကြော်ထားပါတယ်။

Facebook parent Meta says its new AI supercomputer will be world's fastest | Euronews

Meta CEO Mark Zuckerberg က “ Meta ဟာ ကမ္ဘာ့ အမြန်ဆုံး AI Supercomputer ကို ဖန်တီးနေပါတယ်။ RSC or AI Research SuperCluster လို့ နာမည်ပေးထားပြီး ဒီနှစ်လယ်မှာ ပြီးစီးမှာ ဖြစ်ပါတယ်။ “ လို့ ရေးသားထားပါတယ်။

RSC ကို Meta ရဲ့ လုပ်ငန်းများစွာက စနစ်တွေကို လေ့ကျင့်ပေးဖို့ အသုံးပြုနိုင်ပါတယ်။ Facebook နဲ့ Instagram က အမုန်းစကားတွေကို ရှာဖွေပေးနိုင်တဲ့ Content Moderation Algorithm ကနေ ကုမ္ပဏီရဲ့ အနာဂတ်ထုတ် AR Hardware မှာ သုံးမယ့် Augmented Reality လုပ်ဆောင်ချက်တွေအထိ အကျိုးရှိစေမှာ ဖြစ်ပါတယ်။ ဒါ့အပြင် Meta ဖန်တီးနေတဲ့ အတုအယောင် ကမ္ဘာ Metaverse အတွက် RSC က မရှိမဖြစ် အရေးပါလာမှာ ဖြစ်ပါတယ်။

“ ဥပမာပေါင်း ထရီလီယမ်ကနေ လေ့လာသင်ကြားဖို့၊ မတူညီတဲ့ ဘာသာစကားများစွာနဲ့ အလုပ်လုပ်ဖို့၊ စာသား ၊ ဓါတ်ပုံနဲ့ ဗီဒီယိုတွေကို လေ့လာဆန်းစစ်ဖို့၊ Augmented Reality Tools အသစ်တွေ ဖန်တီးဖို့ စတဲ့ Meta ရဲ့ AI သုတေသနလုပ်ငန်းတွေကို RSC က ကူညီပေးနိုင်ပါတယ်။ “ လို့ Meta က ရေးသားထားပါတယ်။

Ref : theverge

%d bloggers like this: