၂၀၅၀ ခုနှစ်မှာ အာကာသ ဓါတ်လှေခါး တည်ဆောက်မယ့် ဂျပန် ကုမ္ပဏီ

ဂျပန် ကုမ္ပဏီ Obayashi က ၂၀၅၀ ခုနှစ်မှာ အာကာသ ဓါတ်လှေခါး တည်ဆောက်မယ်လို့ ကြေညာလိုက်ပြီး အရှည်ဟာ ၉၆,၀၀၀ ကီလိုမီတာ( ၆၀,၀၀၀ မိုင်) ရှိမှာ ဖြစ်ပါတယ်။ အဲဒီ ဓါတ်လှေခါးက‌နေ လူသားတွေကို အာကာသစခန်းဆီ ပို့ဆောင်နိုင်မှာ ဖြစ်သလို အာကာသ ယာဉ်မှူးတွေကို အင်္ဂါဂြိုလ်ဆီ ပို့ဆောင်ပေးနိုင်တဲ့ နေရာ ၁ ခုလည်း ဖြစ်လာမှာပါ။

“ ဓါတ်လှေခါး တည်ဆောက်ရာမှာ ကေဘယ်ကြိုးတွေကို အသုံးပြုမှာ ဖြစ်ပြီး ကွန်ပြူတာ နည်းပညာတွေနဲ့ ကြိုတင်တွက်ချက်ကာ ဖန်တီးမှာ ဖြစ်ပါတယ်။ “ လို့ Obayashi က ပြောပါတယ်။ အာကာသ ဓါတ်လှေခါးတွေ ပေါ်ပေါက်လာရင်တော့ အာကာသယာဉ်တွေ မလိုအပ်တော့ဘဲ ကမ္ဘာ့ ပြင်ပကို ခရီးထွက်နိုင်မှာ ဖြစ်ပါတယ်။

အာကာသ ဓါတ်လှေခါး အိုင်ဒီယာဟာ အသစ်အဆန်းတော့ မဟုတ်ဘဲ ၁၉ ရာစုကတည်းက ရုရှား သိပ္ပံပညာရှင် ၁ ယောက်က အဲဒီ အိုင်ဒီယာကို ပြောကြားခဲ့ဖူးပါတယ်။ ဒါပေမယ့် အာကာသ ဓါတ်လှေခါး တည်ဆောက်ဖို့ အရမ်း ခိုင်ခန့်မာကျောတဲ့ ကေဘယ်ကြိုးတွေ လိုအပ်တဲ့အတွက် အခုလို နှောင့်နှေးကြန့်ကြာနေတာ ဖြစ်ပါတယ်။

အာကာသ ဓါတ်လှေခါး တည်ဆောက်ဖို့ ကြိုးစားနေတာ Obayashi ကုမ္ပဏီ ၁ ခုထဲ မဟုတ်ပါဘူး။ ၂၀၁၂ ခုနှစ်မှာ NASA ရဲ့ Contractor ဟောင်း ၁ ယောက် ဖြစ်သူ Michael Laine ဟာ အာကာသ ဓါတ်လှေခါး တည်ဆောက်ဖို့ ရန်ပုံငွေ ကောက်ခံခဲ့ပြီး ဒေါ်လာ ၁၁၀,၃၅၃ အထိ ရရှိခဲ့ပါတယ်။

Ref : sciencenatures

%d bloggers like this: