Android စနစ်သုံး Nokia စမတ်ဖုန်းနှင့် တက်ဘလက်တွေ ယခုနှစ်ကုန်ပိုင်းမှာ ထွက်ရှိမည်

တစ်ချိန်က ကမ္ဘာပေါ်မှာ လူကြိုက်အများဆုံးဖုန်းအမှတ်တံဆိပ်တစ်ခုဖြစ်ခဲ့တဲ့ Nokia ဟာ ယခုနှစ်ကုန်ပိုင်းမှာ စမတ်ဖုန်းလောကထဲ ပြန်လည်ဝင်ရောက်လာတော့မှာဖြစ်ပါတယ်။

Microsoft က ၀ယ်ယူထားတဲ့ Nokia မိုဘိုင်းကုမ္ပဏီကို Nokia ၀န်ထမ်းဟောင်းတွေ ဖွဲ့စည်းထားတဲ့ HDM ကုမ္ပဏီနဲ့ FIH Mobile ကုမ္ပဏီတို့က စုစုပေါင်း ကန်ဒေါ်လာ သန်း ၃၅၀ နဲ့ ပြန်လည်ဝယ်ယူလိုက်ပြီးနောက်မှာ Nokia တံဆိပ်ဖုန်းအသစ်တွေကို ဈေးကွက်ထဲ ပြန်မြင်ရတော့မှာဖြစ်ပါတယ်။

တရုတ်အခြေစိုက်သတင်းဌာနတစ်ခုဖြစ်တဲ့ The Paper မှာ ဖော်ပြထားချက်အရ၊ Nokia China ဥက္ကဌ Mike Wang က ယခုနှစ်၊ စတုတ္ထသုံးလပတ်အတွင်းမှာ Nokia တံဆိပ်နဲ့ ဖုန်းသုံးလေးမျိုးအသစ်ထွက်ရှိလာမှာဖြစ်ကြောင်း အတည်ပြုပြောကြားခဲ့တယ်လို့ သိရပါတယ်။ စမတ်ဖုန်းတင်မဟုတ်ဘဲ တက်ဘလက်ပါ ထွက်ရှိလာမှာဖြစ်တယ်လို့ Mike Wang က ဖွင့်ဟခဲ့ပါတယ်။

Nokia တံဆိပ်ဖုန်းတွေကို ၂၀၁၆ ခုနှစ်၊ နောက်ဆုံးသုံးလပတ်အထိ မထုတ်ရဘူးလို့ Microsoft နဲ့ Nokia မိုဘိုင်းတို့ကြားမှာ သဘောတူညီချက်ရယူထားခဲ့ပေမယ့်၊ Nokia အနေနဲ့ တစ်ချိန်ကလက်လွှတ်ဆုံးရှုံးလိုက်ရတဲ့ မိုဘိုင်းဖုန်းဈေးကွက်ထဲကို အမြန်ဆုံး ပြန်လည်ဝင်ရောက်ဖို့ စိတ်အားထက်သန်နေပုံပေါ်ပါတယ်။

Nokia ပရိတ်သတ်တွေသိထားသင်တဲ့တစ်ချက်ကတော့၊ အသစ်ထွက်ရှိမယ့် Nokia ဖုန်းနဲ့တက်ဘလက်တွေကို အရင်ကထုတ်လုပ်ခဲ့တဲ့ စက်ရုံဟောင်းတွေမှာ ပြန်လည်ထုတ်လုပ်မှာမဟုတ်ဘဲ၊ ဖင်လန်အခြေစိုက် HMD Global က တာဝန်ယူထုတ်လုပ်ပေးသွားမှာဖြစ်ပါတယ်။ HMD Global အနေနဲ့ Nokia တံဆိပ်ဖုန်းထုတ်လုပ်ခွင့်ကို နောက် ၁၀ နှစ်အထိ လိုင်စင်ရရှိပြီးသားပါ။

Android စနစ်နဲ့ ထွက်ရှိလာမယ့် Nokia ဖုန်းအသစ်တွေဟာ တစ်ချိန်က အောင်မြင်မှုတွေကို ပြန်လည်ယူဆောင်လာနိုင်မလားဆိုတာ ကတော့ စိတ်ဝင်စားဖွယ်ရာစောင့်ကြည့်ရမှာပါ။

Ref: Gadgets360

 

 

Comments

comments

Ye Wint
A perfect combination of cosmic dusts.
http://digitaltimes.com.mm/author/yewint/
Top