5000mAh ဘက်ထရီပါတဲ့ Gionee Steel 5 ကို ကြေညာ

Gionee က တန်ဖိုးနည်း စွမ်းရည်နိမ့် ဖုန်း အသစ် ၁ လုံးကို ချပြလိုက်ပါတယ်။ Gionee Steel 5 လို့ နာမည်ပေးထားပြီး ၆.၂ လက်မ IPS LCD HD မျက်နှာပြင်ပါလာပါတယ်။ Notch မှာ 13MP ကင်မရာ တပ်ဆင်ထားပြီး အနောက်ဘက်မှာ 12MP နဲ့ 2MP Depth ကင်မရာတွေကို LED Flash ၂ လုံးနဲ့ အတူ လေးထောင့် အကွက်ထဲမှာ ထည့်သွင်းထားပါတယ်။

သူ့ရဲ့ အလန်းဆုံး အစိတ်အပိုင်းက 5000mAh ဘက်ထရီဖြစ်ပါတယ်။ ဒါပေမယ့် 10W Charging ပဲပါတာက သိပ်မမိုက်ပါဘူး။ 4G ပဲထောက်ပံ့ပြီး SIM Card ၂ ခုထည့်သွင်းနိုင်ပါတယ်။ Android 9 Pie အခြေပြု AmigoOS မောင်းနှင်ထားပြီး 4/64GB နဲ့ 6/128GB တွေ ရွေးချယ်နိုင်ပါတယ်။ Chipset ရဲ့ နာမည်ကို မသိရသေးပါဘူး။ Octa-core Processor လို့ပဲသိရပါသေးတယ်။

Gionee Steel 5 ကို ရောင်းမယ့်အချိန်နဲ့ ဈေးနှုန်းကို မသိရသေးပါဘူး။

Ref : gsmarena

%d bloggers like this: