Huawei P30 နဲ့ Mate 20 Phone တွေ အလုံးပေါင်း ၃၇ သန်း ရောင်းချထားနိုင်ပြီ

Huawei P30 နဲ့ Mate 20 Phone တွေဟာ အရင်မျိုးဆက်တွေထက်တောင် ရောင်းအားလန်းနေပါတယ်။ အခုတော့ Huawei က P30 နဲ့ Mate 20 Phone တွေ အလုံးပေါင်း ၃၇ သန်း ရောင်းချထားနိုင်ပြီလို့ ကြေညာလိုက်ပါတယ်။ စက်တင်ဘာလက Mate 30 မိတ်ဆက်ပွဲမှာ စီအီးအို Richard Yu က Huawie Mate 20 Series တွေ ၁၆ သန်းကျော် ရောင်းချပြီးပြီလို့ ကြေညာခဲ့ပါတယ်။ Mate 10 တုန်းက ၁၀ သန်းကျော်ရောင်းအားထက် အရမ်းတိုးတက်လာတာပါ။

Huawei P30 Series တွေက ပိုတောင် လန်းပါတယ်။ ၆ လလောက်အချိန်အတွင်းမှာ ၁၇ သန်းကျော် ရောင်းချပြီးပါပြီ။ P20 နဲ့ P20 Pro တို့ဟာ ၅ လအတွင်းမှာ အလုံးရေ ၁၀ သန်းကျော်သာ ရောင်းချနိုင်ခဲ့တာ ဖြစ်ပါတယ်။ P30 Series တွေဟာ ၆၂ ရက်အတွင်းမှာ ၁၀ သန်းရောင်းချနိုင်ခဲ့ပါတယ်။
Huawei Watch GT ကို ပြီးခဲ့တဲ့ ၁ နှစ်က ရောင်းချခဲ့ပြီး အခုဆိုရင် ၃ သန်းကျော် ရောင်းချနိုင်ခဲ့ပါပြီ။ ဇွန်လမှာ Watch GT Series တွေဟာ ၂ သန်း ပြည့်သွားခဲ့ပါတယ်။ GT မှာ Huawei ထုတ် Chipset နဲ့ ကိုယ်ပိုင် OS ထည့်သွင်းထားတာ ဖြစ်ပါတယ်။ အဲဒီအတွက် မကြာခင်က ကြေညာခဲ့တဲ့ Watch GT 2 ဟာ အမေရိကန် စီးပွားရေး ပိတ်ဆို့မှုကနေ လွတ်မြောက်သွားပါတယ်။

Ref : gsmarena

Huawei P30 နဲ့ Mate 20 Phone တွေ အလုံးပေါင်း ၃၇ သန်း ရောင်းချထားနိုင်ပြီ

%d bloggers like this: