Samsung ရဲ့ ဈေးချိုတဲ့ 5G Galaxy A71 လာမည်

လက်ရှိ 5G Phone တွေရဲ့ ဈေးက အရမ်းမြောက်ပြီး ဘောစိတွေပဲ ကိုင်နိုင်မှာပါ။ အဲဒီအတွက် ကုမ္ပဏီတွေက ဈေးချိုတဲ့ 5G Phone တွေကို ထုတ်လုပ်ရောင်းချဖို့ ပြင်ဆင်နေကြပါတယ်။ အဲဒီအထဲမှာ Samsung လည်း ပါပါတယ်။ Samsung က ဈေးချိုတဲ့ 5G Phone ၁ လုံးကို ဖန်တီးနေပါတယ်။ အဲဒါက Galaxy A71 ဖြစ်ပြီး သူ့ရဲ့ မော်ဒယ်နံပါတ်က SM-A716B ဖြစ်ပါတယ်။

အဲဒီ ဖုန်းရဲ့ သတင်းအချက်အလက်တွေ တရုတ်ကနေ ထွက်ပေါ်လာတာ ဖြစ်ပါတယ်။ တရုတ်မှာ 5G ဆက်သွယ်မှု ရနေပြီ ဖြစ်ပြီး ဈေးချိုတဲ့ 5G Phone တွေ လိုအပ်နေပါတယ်။ တရုတ် ပြင်ပမှာ ရောင်းမယ့် မော်ဒယ်နံပါတ်က SM-A7160 ဖြစ်ပါတယ်။

Samsung Galaxy A71 မှာ ကုမ္ပဏီ မကြာခင်က ကြေညာထားတဲ့ Exynos 980 Chipset မောင်းနှင်ထားနိုင်ပါတယ်။ အဲဒီ Chipset ဟာ 5G ဆက်သွယ်မှုနဲ့ WiFi 6 Standard ပါတဲ့ စွမ်းဆောင်ရည်သင့် Chipset ဖြစ်ပါတယ်။ လာမယ့် နှစ်မှာ 5G Phone တွေ အပြိုင်အဆိုင်ထွက်ပေါ်လာမှာ ဖြစ်ပါတယ်။ တန်ဖိုးကြီး မော်ဒယ်တွေ အပြင် ဈေးပေါတဲ့ 5G Phone တွေ ကိုင်နိုင်တော့မှာ ဖြစ်ပါတယ်။

Ref : gsmarena

Samsung ရဲ့ ဈေးချိုတဲ့ 5G Galaxy A71 လာမည်

%d bloggers like this: