120Hz Display ပါလာမယ့် OnePlus 8 Pro

နောက်ပိုင်းထုတ် ဖုန်းတွေမှာ Refresh Rate မြင့်မားတဲ့ Display တွေ ထည့်သွင်းလာကြပါတယ်။ အဲဒီ နည်းပညာက Display ကို ထိတွေ့အသုံးပြုရင် ချောမွတ်မြန်ဆန်စေပါတယ်။ အဲဒီအတွက် ဂိမ်းတွေ ကစားတာ၊ ဖုန်းကို ထိတွေ့သုံးတာတွေအတွက် အရမ်းကို ကောင်းပါတယ်။ ဂိမ်း စမတ်ဖုန်းတွေနဲ့ စွမ်းရည်မြင့် ဖုန်းတွေမှာ အဲဒီနည်းပညာတွေကို ပိုကောင်းအောင်ထည့်သွင်းလာကြပါတယ်။ အခုလည်း OnePlus 8 Pro မှာ 120Hz Display ပါမယ်လို့ သတင်းထွက်လာပါတယ်။

OnePlus 8 နဲ့ 8 Pro ရဲ့ ဓါတ်ပုံနဲ့ သတင်းအချက်အလက်တွေ မကြာခင်က ထွက်လာပါတယ်။ ဓါတ်ပုံတွေအရ OnePlus 8 ဟာ လက်ရှိ OnePlus Phone တွေနဲ့ အရမ်းကို တူပါတယ်။ အဓိက ပြောင်းလဲမှု တစ်ခုက Notch နဲ့ Pop-up အစား Punch-hole Camera ပါလာတာ ဖြစ်ပါတယ်။ OnePlus 8 မှာ မျက်နှာပြင်ဘေးဘောင်တွေက အရမ်းကို ပါးလွှာတာက ခေတ်မှီလာတဲ့ ဒီဇိုင်းပါ။ ၆.၅ လက်မ မျက်နှာပြင်ကွေး တပ်ဆင်ထားပြီး Pro မဟုတ်တဲ့ မော်ဒယ်မှာ မျက်နှာပြင်ကွေး တပ်ထားတာ ဒါ ပထမဆုံး ဖြစ်ပါတယ်။

OnePlus 8 ရဲ့ အနောက်ဘက်မှာ ကင်မရာ ၃ လုံး တပ်ဆင်ထားပါတယ်။ OnePlus 7T မှာလို စက်ဝိုင်းပုံသဏ္ဍာန် မဟုတ်ဘဲ ဒေါင်လိုက် ဒီဇိုင်းကို အသုံးပြုထားပါတယ်။ သူ့မှာ ကြိုးမဲ့အားသွင်းနည်းပညာ ပါလာမယ်လို့ သတင်းထွက်လာပါတယ်။

OnePlus 8 Pro မှာ Notch မပါဘဲ Punch-hole Display ကို သုံးထားပါတယ်။ Pro နဲ့ 8 တို့ရဲ့ ဒီဇိုင်းကတော်တော် တူနေပါတယ်။ ဒါပေမယ့် သေချာကြည့်ရင် Pro ရဲ့ အနောက်ဘက်မှာ 3D ToF Sensor အပိုထည့်ထားပါတယ်။ ဒါ့အပြင် Earpiece က ပိုကြီးပါတယ်။ Pro ရဲ့ မျက်နှာပြင်အထက်က ဘောင်က အနည်းငယ်ပိုထူနေပါတယ်။ Pro မှာ ၆.၆၅ လက်မ မျက်နှာပြင်ပါလာမှာ ဖြစ်ပြီး 8 ထက် ဝ.၁၅ လက်မ ပိုကြီးပါတယ်။ OnePlus 7 Series တွေကို ဒီနှစ် မေလမှာ ကြေညာခဲ့ပါတယ်။ လာမယ့်နှစ်မှာလည်း မေလမှာပဲ OnePlus 8 နဲ့ OnePlus 8 Pro ကို ကြေညာနိုင်ပါတယ်။

Ref : gizmochina

120Hz Display ပါလာမယ့် OnePlus 8 Pro

%d bloggers like this: