Quad Camera နဲ့ Punch Hole Display ပါမယ့် Vivo S5

Vivo S5 ရဲ့ ဓါတ်ပုံနဲ့ သတင်းအချက်အလက်တွေ မကြာခဏထွက်နေပါတယ်။ အခုလည်း Official Poster လို့ထင်ရတဲ့ ဓါတ်ပုံ ၁ ပုံတက်လာပြီး Punch-hole Display ပါမယ်ဆိုတာ သေချာသွားပါတယ်။ မျက်နှာပြင်ဘေးဘောင်တွေက အရမ်းပါးလွှာပြီး မျက်နှာပြင်အောက်မှာ လက်ဗွေရာ အာရုံခံ ကိရိယာ ထည့်ထားပါတယ်။

အနောက်ဘက်မှာ ကင်မရာ ၄ လုံးကို စိန်ပုံသဏ္ဍာန် တပ်ဆင်ထားပါတယ်။ 48 megapixel စာသားကို မြင်ရတဲ့အတွက် 48MP Main Camera ပါလာမှာပါ။ ညာဘပ်ခြမ်းမှာ ပါဝါနဲ့ အသံခလုတ်တွေ ထည့်ထားပါတယ်။

Galaxy S10 Series တွေမှာ ပထမဆုံး အနေနဲ့ AMOLED Punch Hole Display ပါလာပါတယ်။ မကြာခင်မှာ ကြေညာတော့မယ့် Vivo S5 မှာလည်း အဲဒီ မျက်နှာပြင် တပ်ဆင်ထားမှာ ဖြစ်တယ်လို့ တရုတ် ကနေ မနေ့ကပဲ သတင်းထွက်လာပါတယ်။ သူဟာ AMOLED Punch Hole Display ပါတဲ့ ပထမဆုံး တရုတ် ဖုန်း ဖြစ်လာမှာပါ။

TENAA က စာရင်းအရ သူ့မှာ Snapdragon 712 SoC မောင်းနှင်ထားမှာပါ။ 8GB RAM နဲ့ 256GB Storage အထိ ရွေးချယ်နိုင်မှာပါ။ ၆.၄၄ လက်မ 1080p Display တပ်ဆင်ထားမှာပါ။ Punch-hole Camera ကို မျက်နှာပြင်ရဲ့ ညာဘက်အထက်ထောင့်မှာ တပ်ဆင်ထားပါတယ်။ အနောက်ကင်မရာတွေက 48MP Main , 8MP Ultrawide , 5MP Depth နဲ့ 2MP Macro Camera တွေ ဖြစ်ပါတယ်။ 4010mAh Battery ပါလာမှာ ဖြစ်ပြီး နိုဝင်ဘာလ ၁၄ ရက်နေ့မှာ မိတ်ဆက်မှာပါ။

Ref : gsmarena

Quad Camera နဲ့ Punch Hole Display ပါမယ့် Vivo S5

%d bloggers like this: