AMOLED Punch Hole Display ပါတဲ့ ပထမဆုံး တရုတ် ဖုန်းဟာ Vivo S5 ဖြစ်လာမည်

Galaxy S10 Series တွေမှာ ပထမဆုံး အနေနဲ့ AMOLED Punch Hole Display ပါလာပါတယ်။ မကြာခင်မှာ ကြေညာတော့မယ့် Vivo S5 မှာလည်း အဲဒီ မျက်နှာပြင် တပ်ဆင်ထားမှာ ဖြစ်တယ်လို့ တရုတ် ကနေ သတင်းထွက်လာပါတယ်။ သူဟာ AMOLED Punch Hole Display ပါတဲ့ ပထမဆုံး တရုတ် ဖုန်း ဖြစ်လာမှာပါ။

အရင်ကလည်း သူ့ရဲ့ ဓါတ်ပုံတွေ မကြာခဏ ပေါက်ကြားထွက်ပေါ်နေပါတယ်။ သူ့ရဲ့ Specs တွေကိုတော့ မသိရသေးပါဘူး။ ဒါပေမယ့် ဓါတ်ပုံတွေအရ Vivo S5 နဲ့ S5 Pro ဆိုပြီး မော်ဒယ် ၂ မျိုးထုတ်လုပ်ထားနိုင်ပါတယ်။ သူတို့ရဲ့ ဓါတ်ပုံတွေ ပေါက်ကြားထွက်ပေါ်နေပြီး ၁ လုံးမှာ Punch-hole Display ပါပြီး နောက် ၁ လုံးမှာ Notch-less Display ပါတာ မြင်ရပါတယ်။ အနောက်ကင်မရာ ၄ လုံးနဲ့ ၃ လုံးစီ အသီးသီး တပ်ဆင်ထားပါတယ်။

ပြီးခဲ့တဲ့ လက ကုမ္ပဏီရဲ့ Celebrity Ambassador ဖြစ်သူ Cai Xukun က Esquire Fine အတွက် အင်တာဗျူးတစ်ခုမှာ အဲဒီဖုန်းအကြောင်း သတင်းပေးခဲ့ပါတယ်။ Cai Xukun ဟာ ကေပေါ့ပ် အမျိုးသား အဖွဲ့ Nine Percent ရဲ့ ခေါင်းဆောင် ဖြစ်ပြီး သူ့ကို Kun လို့ ပိုသိကြပါတယ်။ သူက အဲဒီ ဖုန်း အသစ်ကို ကိုင်ထားပြီး အနောက်ဘက်မှာ စိန်ပုံသဏ္ဍာန် တပ်ဆင်ထားတဲ့ ကင်မရာတွေကို မြင်ရပါတယ်။ အနည်းဆုံး ၃ လုံး တပ်ဆင်ထားပါတယ်။ ကုမ္ပဏီက တရုတ်နိုင်ငံ ဟန်ဇူးမှာ နိုဝင်ဘာလ ၁၄ ရက်နေ့မှာ မိတ်ဆက်မယ်လို့ မကြာခင်က သတင်းပေးလိုက်ပါတယ်။

Ref : gizmochina

AMOLED Punch Hole Display ပါတဲ့ ပထမဆုံး တရုတ် ဖုန်းဟာ Vivo S5 ဖြစ်လာမည်

%d bloggers like this: