Realme က ကွာတား ၃ မှာ စမတ်ဖုန်း ၁၀ သန်းကျော် ရောင်းချရ

Realme က ဈေးချိုတဲ့ စမတ်ဖုန်းတွေ အပါအဝင် ဈေးအစားစားရှိတဲ့ စမတ်ဖုန်းတွေကို ထုတ်လုပ်ရောင်းချနေပါတယ်။ Realme ရဲ့ အဓိက ပြိုင်ဖက်က Redmi ဖြစ်ပါတယ်။ အခုတော့ Realme က Redmi ရဲ့ ဈေးကွက်ဝေစုကို လုယူနိုင်နေပါပြီ။ Realme ဟာ ဒီနှစ် ကွာတား ၃ မှာ စမတ်ဖုန်း အလုံးရေ ၁၀ သန်းကျော် ရောင်းချနိုင်တယ်လို့ Counterpoint ရဲ့ စစ်တမ်းက ဖော်ပြထားပါတယ်။

အရင်နှစ် ရောင်းအားထက် ၈၀၈ ရာခိုင်နှုန်းတောင် တက်လာတာဖြစ်ပြီး ကမ္ဘာ့ ရောင်းအား အကောင်းဆုံး စမတ်ဖုန်း ကုမ္ပဏီ စာရင်းမှာ နံပါတ် ၇ နေရာကို သိမ်းပိုက်ထားပါတယ်။ ဒီနှစ် ကွာတား ၂ ရဲ့ ရောင်းအား အကောင်းဆုံး စမတ်ဖုန်း ကုမ္ပဏီ ၁၀ ခု စာရင်းမှာလည်း ပါခဲ့ပါတယ်။ Realme ဟာ ကမ္ဘာမှာ အတိုးတက်ဆုံး စမတ်ဖုန်း ကုမ္ပဏီ ဖြစ်လာပါတယ်။
ထိုးဖောက်ဖို့ ခက်ခဲတဲ့ စမတ်ဖုန်း နယ်ပယ်မှာ ဒီလောက်အချိန်တိုအတွင်း အောင်မြင်မှုရတာဟာ ချီးကျူးစရာပါ။ Realme စမတ်ဖုန်းတွေရဲ့ ၈၀ ရာခိုင်နှုန်းကို အိန္ဒိယနဲ့ အင်ဒိုနီးရှားမှာ ရောင်းချရတာပါ။ မကြာခင်ကပဲ အိန္ဒိယမှာ ဈေးကွက်ဝေစု ၁၆ ရာခိုင်နှုန်းရခဲ့ပြီး အဲဒီ နိုင်ငံရဲ့ စတုတ္ထမြောက် အကြီးမားဆုံး ကုမ္ပဏီ ဖြစ်လာပါတယ်။ နိုင်ငံပေါင်း ၂၀ ကျော်မှာ စမတ်ဖုန်းတွေ ရောင်းချပေးနေပါတယ်။

Ref : gizmochina

Realme က ကွာတား ၃ မှာ စမတ်ဖုန်း ၁၀ သန်းကျော် ရောင်းချရ

%d bloggers like this: