ရုရှားနဲ့ နယ်သာလန်မှာ ရောင်းပေးတော့မယ့် Honor 9X

ဥရောက Honor Fans တွေအတွက် ဝမ်းသာစရာ သတင်းပါ။ ကုမ္ပဏီက ဒီလ ၁၇ ရက်မှာ ရုရှားမှာ ရောင်းမယ်လို့ ကြေညာလိုက်ပါတယ်။ နောက်တစ်ပတ်မှာ နယ်သာလန်မှာ ဝယ်ယူနိုင်မှာပါ။ ဒါပေမယ့် တရုတ်မှာ ရောင်းပေးထားတဲ့ မော်ဒယ်နဲ့ ဥရောပမှာ ရောင်းမယ့် မော်ဒယ်မှာ ကွဲပြားချက် အနည်းငယ်ရှိပါတယ်။ ဥရောပ မော်ဒယ်မှာ Kirin 810 Processor အစား Kirin 710F ထည့်ထားတာက အားနည်းသွားပါတယ်။ ဒီဇိုင်းပိုင်းမှာတော့ လက်ဗွေရာ အာရုံခံ ကိရိယာကို အနောက်ဘက် အစား ဘေးဘက်မှာ တပ်ဆင်ထားပါတယ်။

Honor 8X ဟာ ကုမ္ပဏီရဲ့ ရောင်းအား အကောင်းဆုံး စမတ်ဖုန်း စီးရီး ဖြစ်ခဲ့ပါတယ်။ သူ့ရဲ့ မျိုးဆက်သစ် Honor 9X ဟာလည်း သူ့ရဲ့ အမွေကို ဆက်ခံနေပါတယ်။ Honor 9X ဟာ Honor 8X ထက်တောင် တရုတ်မှာ ရောင်းအား ပိုသွက်နေပါတယ်။ ကုမ္ပဏီက Honor 9X ဟာ စရောင်းတဲ့ ရက်မှာပဲ အလုံးရေ ၃ သိန်း ရောင်းချနိုင်ခဲ့တယ်လို့ ဇူလိုင်လကုန်က ကြေညာခဲ့ပါတယ်။ Honor 9X ဟာ အလုံးရေ ၁ သိန်းရောင်းချရာမှာ Honor 8X ထက် ၂ ဆလောက်မြန်သွားပါတယ်။
Honor 9X နဲ့ 9X Pro အတွက် ပထမဆုံး Flash Sale ကို ဇူလိုင်လနှောင်းပိုင်းက စတင် ရောင်းချပေးခဲ့ပြီး ၂ မိနစ်အတွင်းမှာ အလုံးရေ တစ်သိန်း ရောင်းချနိုင်ခဲ့တယ်လို့ ကုမ္ပဏီက ကြေညာခဲ့ပါတယ်။ ၂၀၁၈ ခုနှစ် စက်တင်ဘာလမှာ Honor 8X ကို စတင် ရောင်းချစဉ်ကထက် ၂ ဆလောက်ပိုမြန်စွာ ရောင်းချနိုင်ခဲ့တယ်လို့ Honor က ပြောပါတယ်။

Ref : gizmochina

ရုရှားနဲ့ နယ်သာလန်မှာ ရောင်းပေးတော့မယ့် Honor 9X

%d bloggers like this: