Dual Stereo Speakers ပါမှာ သေချာသွားတဲ့ Realme X2 Pro

Realme X2 Pro ရဲ့ သတင်းတွေ နေ့တိုင်းလိုလို ထွက်ပေါ်နေပါတယ်။ အခုလည်း ကုမ္ပဏီက သူ့မှာ Dolby Atmos နဲ့ Hi-Res Audio Certification ထောက်ပံ့တဲ့ Dual Stereo Speakers တွေ ပါမယ်လို့ အတည်ပြုလိုက်ပါတယ်။ ကုမ္ပဏီက တွစ်တာမှာ တင်လိုက်တဲ့ ဗီဒီယိုကို အောက်မှာ လေ့လာနိုင်ပါတယ်။

https://twitter.com/realmeeurope/status/1180241182317633536

ကုမ္ပဏီရဲ့ Chief Marketing Officer ဖြစ်သူ Xu Qi Chase က Snapdragon 855 Plus ပါတဲ့ ပထမဆုံး စွမ်းရည်မြင့် Realme Phone ကို မကြာခင်မှာ ကြေညာတော့မယ်လို့ ဝီဘိုကနေ အတည်ပြုထားပါတယ်။ အဲဒီဖုန်းဟာ Realme X2 Pro ဖြစ်ပါတယ်။

မကြာခင်ကလည်း Realme ရဲ့ Chief Product Officer ဖြစ်သူ Dereck Wang က စကရင်ရှော့ တစ်ခုကို မျှဝေလိုက်ပါတယ်။ Realme X2 Pro မှာ 60Hz နဲ့ 90Hz Refresh Rate ကို ပြောင်းလဲသုံးနိုင်တာကို ပြသထားပါတယ်။ အဲဒီအတွက် 90Hz Display ပါမှာ သေချာသွားပါပြီ။ 90Hz Display က ဖုန်းကို ထိတွေ့သုံးတဲ့ အခါမှာ တုန့်ပြန်မှုအားကောင်းပါတယ်။ အထူးသဖြင့် ဂိမ်းတွေ ကစားရင် အရမ်းကို လန်းပါတယ်။

Realme X2 Pro မှာ 64MP Quad Camera ပါမယ်ဆိုတာ ကုမ္ပဏီက အတည်ပြုပြီးပါပြီ။ မနေ့ကပဲ အနောက်ကင်မရာတွေကို အလယ်ဗဟိုမှာ တပ်ဆင်ထားမယ်ဆိုတာကို ကုမ္ပဏီက သတင်းပေးလိုက်ပါတယ်။ အရင်က ထုတ်လုပ်ထားတဲ့ Realme 5, 5 Pro , XT နဲ့ X2 တွေမှာ အနောက်ကင်မရာတွေကို ဘယ်ဘက်ထိပ်မှာ ထည့်သွင်းထားတာ ဖြစ်ပါတယ်။ ဒါ့အပြင် 20x Hybrid Zoom ပါလာမယ်လို့လည်း ကုမ္ပဏီက အတည်ပြုလိုက်ပါတယ်။ အလန်းစား 50W Fast Charging ပါလာနိုင်ပါတယ်။

Ref : gsmarena

Dual Stereo Speakers ပါမှာ သေချာသွားတဲ့ Realme X2 Pro

%d bloggers like this: