Redmi K20 Series တွေကို ၃ သန်းကျော် ရောင်းချနိုင်ပြီ

Redmi K20 နဲ့ K20 Pro ကို ကမ္ဘာအဝန်းမှာ အလုံးရေ ၃ သန်းကျော် ရောင်းချနိုင်ပြီလို့ ကုမ္ပဏီက ကြေညာလိုက်ပါတယ်။ ကုမ္ပဏီက Redmi K20 Pro ရဲ့ Exclusive Edition ကို စက်တင်ဘာလ ၁၉ ရက်နေ့မှာ ကြေညာမယ်လို့လည်း အသိပေးလိုက်ပါတယ်။ သူဟာ စွမ်းဆောင်ရည်၊ အပူလျှော့ချမှုနဲ့ မာကျောမှုတွေမှာ ပိုကောင်းလာမှာပါ။

Xiaomi က တရုတ်မှာ Redmi K20 နဲ့ K20 Pro အလုံးရေ ၁ သန်း ရောင်းချနိုင်ပြီလို့ ဇူလိုင်လက ကြေညာခဲ့ပါတယ်။ သူတို့ကို မေလ ၂၈ ရက်မှာ ကြေညာခဲ့ပြီး အလုံးရေ ၁ သန်း ပြည့်ဖို့ ၄ ၊ ၅ ကြိမ်လောက် Flash Sale ပြုလုပ်ပေးခဲ့တာပါ။ ဇွန်လဆန်းပိုင်းကလည်း Xiaomi က Redmi K20 Pro ကို ၁ နာရီနဲ့ ၄၅ မိနစ်အတွင်းမှာ အလုံးရေ ၂၀၀ ၀၀၀ ရောင်းချပေးနိုင်ခဲ့တယ်လို့ ကြေညာခဲ့ပါတယ်။ 6/64GB ကို ၃၆၂ ဒေါ်လာ ၊ 6/128GB ကို ၃၇၆ ဒေါ်လာ ၊ 8/128GB ကို ၄၀၅ ဒေါ်လာနဲ့ 8/256GB ကို ၄၃၄ ဒေါ်လာ သတ်မှတ်ထားပါတယ်။
Redmi K20 Pro မှာ 6.39-inch ရှိတဲ့ FHD+ OLED Display ပါရှိပြီး၊ ရှေ့ကင်မရာကို Pop-up ဒီဇိုင်းအသုံးပြုထားတာကြောင့် လုံးဝ မျက်နှာပြင်အပြည့်ဖြစ်နေမှာပါ။ ကျောကင်မရာ သုံးလုံးပါဝင်ပြီး၊ Sony IMX586 ဆန်ဆာသုံး 48MP main camera၊ Ultra-wide-angle lens နဲ့ 13MP ဒုတိယကင်မရာနဲ့ 8MP telephoto ကင်မရာတို့ ဖြစ်ပါတယ်။ slow-mo ဗီဒီယိုကို 960fps နဲ့ ရိုက်ကူးနိုင်မှာပါ။ ရှေ့က မော်တာတပ် Selfie ကင်မရာကတော့ 20MP sensor ဖြစ်ပါတယ်။ ကင်မရာမှာ AI လုပ်ဆောင်ချက်တွေလည်း ပါဝင်မှာပါ။

Redmi K20 Pro မှာ Flagship ဖုန်းတော်တော်များများမှာလိုပဲ 4,000mAh ဘက်ထရီကို အသုံးပြုပေးထားပါတယ်။ Xiaomi Mi 9 နဲ့ Black Shark 2 ဖုန်းတွေမှာ ပါဝင်တဲ့ 27W အားအမြန်သွင်းစနစ်လည်း ပါဝင်မှာပါ။ မိနစ် ၃၀ အတွင်း ၅၈ ရာခိုင်နှုန်းအထိ သွင်းပေးနိုင်ကာ၊ အားအပြည့်သွင်းဖို့ ၇၄ မိနစ်ပဲ ကြာမှာ ဖြစ်ပါတယ်။

Ref : gsmarena

Redmi K20 Series တွေကို ၃ သန်းကျော် ရောင်းချနိုင်ပြီ

%d bloggers like this: