Xiaomi Black Shark 2 Pro ရဲ့ 512GB Storage Model ကို ရောင်းပြီ

Xiaomi က Black Shark 2 Pro အတွက် 128GB နဲ့ 256GB Storage Model တွေ ရောင်းပေးထားပါတယ်။ အခုတော့ တရုတ်မှာ 512GB Model ကို ယွမ် ၃ ၉၉၉ နဲ့ ရောင်းပေးလိုက်ပြီး မြန်မာငွေ ၈၆၀,၀၀၀ လောက် ရှိပါတယ်။ အဲဒီ Model မှာ 12GB RAM ထည့်သွင်းထားတာ ဖြစ်ပါတယ်။

Black Shark 2 Pro အတွက် 12/128GB နဲ့ 12/256GB Model ၂ ခု ထုတ်လုပ်ပေးထားပါတယ်။ မြန်မာငွေ ၆၅၀ ၀၀၀ နဲ့ ၇၅၀ ၀၀၀ အသီးသီး ကျသင့်နိုင်ပါတယ်။ Black Shark 2 Pro မှာ နောက်ဆုံးထုတ် Snapdragon 855+ နဲ့ UFS 3.0 Storage တွေ ပါလာပါတယ်။ အနောက်ဘက်မှာ RGB Lights အပို နှစ်ခု ပါလာပြီး ဒီဇိုင်းကို အနည်းငယ် ဆန်းသစ်ထားပါတယ်။ ၆.၃၉ လက်မ FHD+ AMOLED Display ပါပါတယ်။ Black Shark က Touch Latency ကို လျှော့ချထားပြီး Black Shark 2 ရဲ့ 43.5ms ကနေ Pro မှာ 34.7ms အထိ လျှော့ချထားတယ်လို့ ပြောပါတယ်။ အဲဒီအတွက် ဂိမ်းကစားရင် ဖလန်းဖလန်းထနေမှာပါ။

AnTuTu မှာ Black Shark 2 Pro ဟာ လက်ရှိ ဖုန်းတွေထဲမှာ အမှတ်အများဆုံးရသွားပြီး ၅၀၀,၆၁၀ ရထားပါတယ်။ Black Shark 2 Pro မှာ အပူချိန်ကို လျှော့ချပေးတဲ့ Liquid Cooling 3.0 ကို အဆင့်မြှင့်ထားပါတယ်။ အနောက်ဘက်မှာ 48MP+12MP Dual Cameras တွေ ထည့်သွင်းထားပါတယ်။ ဆဲလ်ဖီး ကင်မရာက 20MP ပါ။ ဘက်ထရီက 4000mAh ဖြစ်ပြီး 27W Fast-charging ပါပါတယ်။ Android 9 Pie Stock Version မောင်းနှင်ထားပါတယ်။

Ref : gsmarena

Xiaomi Black Shark 2 Pro ရဲ့ 512GB Storage Model ကို ရောင်းပြီ

%d bloggers like this: