iPhone XR နဲ့ iPhone 8 တို့ကို ဈေးလျှော့ပေးလိုက်ပြီ

Apple က iPhone 11 Series တွေကို ကြေညာပြီးနောက်မှာ အရင်နှစ်ထုတ် iPhone XR နဲ့ iPhone 8 တွေကို ဈေးလျှော့ပေးလိုက်ပါတယ်။ XR ရဲ့ 64GB Model ကို ဒေါ်လာ ၆၀၀ နဲ့ ရောင်းပေးလိုက်ပါတယ်။ ဗြိတိန်မှာ စတာလင်ပေါင် ၆၃၀ နဲ့ ဥရောပမှာ ယူရို ၇၀၀ ဖြစ်သွားပါပြီ။ တချို့နိုင်ငံတွေမှာ ၁၀ ကနေ ၄၀ ယူရိုအထိ ဈေးသက်သာသွားပါတယ်။ iPhone အဟောင်းနဲ့လဲမယ်ဆိုရင် XR ကို ဒေါ်လာ ၂၀၀ သာ ပေးရမှာပါ။ အကောင်းအတိုင်းရှိသေးတဲ့ iPhone 7 Plus ကိုင်ထားရင်တော့ လျှော့ဈေး အများဆုံး ရမှာပါ။

အမေရိကန်မှာ iPhone 8 ကို ၄၅၀ ဒေါ်လာပဲပေးရတော့မှာပါ။ ဗြိတိန်မှာ စတာလင်ပေါင် ၄၈၀ နဲ့ ဥရောပမှာ ယူရို ၅၃၀ ပဲရှိပါတော့တယ်။ ဖုန်း အဟောင်းနဲ့လဲရင် ၁၂၀ ဒေါ်လာပဲ ပေးရမှာပါ။ အဲဒီ ဈေးတွေဟာ 64GB အတွက်ပါ။ XR နဲ့ iPhone 8 တို့ရဲ့ 128GB အတွက်ဆိုရင် ဒေါ်လာ ၅၀ ပိုများမှာပါ။
XR ကို အရင်နှစ်က စတင် ရောင်းချချိန်မှာ ၇၅၀ ဒေါ်လာ သတ်မှတ်ခဲ့တာပါ။ ၂၀၁၇ ခုနှစ်မှာ iPhone 8 ရဲ့ ဈေးအနည်းဆုံးမော်ဒယ် ကတော့ ဒေါ်လာ ၇၀၀ ရှိခဲ့ပြီး ပြီးခဲ့တဲ့ နှစ်မှာ ဒေါ်လာ ၆၀၀ နဲ့ လျှော့ပေးခဲ့ပါတယ်။ Apple Watch Series 3 တွေကိုလည်း ဈေးလျှော့ပေးလိုက်ပါတယ်။ GPS Model ကို ဒေါ်လာ ၂၀၀ နဲ့ Cellular Model ကို ဒေါ်လာ ၃၀၀ သတ်မှတ်ထားပါတယ်။ Watch Series 4 ကိုတော့ ဈေးလျှော့ပေးထားပြီးပါပြီ။

Ref : gsmarena

iPhone XR နဲ့ iPhone 8 တို့ကို ဈေးလျှော့ပေးလိုက်ပြီ

%d bloggers like this: