ဒီဇိုင်း အသစ်တွေ သုံးထားမယ့် 2020 iPhone တွေ

Apple က ၃ ၊ ၄ နှစ်မှာ တစ်ကြိမ် iPhone ဒီဇိုင်းတွေကို ပြောင်းလဲလေ့ရှိပါတယ်။ iPhone 6 ကနေ iPhone 8 အထိ တူညီတဲ့ ဒီဇိုင်းကို သုံးခဲ့ပါတယ်။ iPhone X ကနေ မကြာခင် ကြေညာမယ့် iPhone 11 Series တွေအထိ တူညီတဲ့ ဒီဇိုင်းကို သုံးလာမှာ ဖြစ်ပါတယ်။ ဒါပေမယ့် ၂၀၂၀ ခုနှစ်မှာတော့ iPhone ဒီဇိုင်း အသစ်တွေ ထွက်လာမယ်လို့ လေ့လာဆန်းစစ်သူ Ming-Chi Kuo က ဟောကိန်းထုတ်လိုက်ပါတယ်။

၂၀၂၀ ခုနှစ်မှာ ထုတ်လုပ်မယ့် iPhones အားလုံးမှာ 5G ပါလာမယ်လို့ အရင်က သတင်းထွက်ခဲ့ပါတယ်။ ကုမ္ပဏီများရဲ့ အတွင်းသတင်းများကို ကြိုတင်ဖွင့်ချရာမှာ နာမည်ကြီးတဲ့ Ice Universe က 2020 iPhone များမှာ 120Hz Screen များ ပါလာနိုင်ပြီး Apple ဟာ Samsung , LG တို့နဲ့လည်း ဆွေးနွေးနေတယ်လို့ တွစ်တာကနေ အရင်က မျှဝေခဲ့ပါတယ်။ Apple က 60Hz နဲ့ 120Hz ကို ပြောင်းလဲ သုံးနိုင်အောင် ဖန်တီးထားမှာပါ။ ရုပ်သေ ဓါတ်ပုံများ ကြည့်တဲ့ အခါမှာ 60Hz ကို အလိုလို ပြောင်းပေးခြင်းဖြင့် ဘက်ထရီ စားတာ သက်သာစေမှာပါ။ Apple ဟာ အိုင်ပတ်များမှာ 120Hz Screen များကို ထည့်သွင်းပေးခဲ့ဖူးပါတယ်။ iPhone မှာတော့ ၂၀၂၀ ခုနှစ်မှာ ပထမဆုံး ထည့်သွင်းပေးမှာပါ။
2020 iPhones များမှာ 3D ToF Sensor များပါမယ်လို့ အရင်က သတင်းထွက်လာပါတယ်။ Apple က အဲဒီ ဆန်ဆာများအတွက် အဓိက အစိတ်အပိုင်းများ ထုတ်တဲ့ ကုမ္ပဏီများကို ဆက်သွယ်နေတယ်လို့ သိရပါတယ်။ 2020 iPhones များရဲ့ အနောက်ဘက်မှာ အဲဒီ ဆန်ဆာကို ထည့်သွင်းထားမှာ ဖြစ်ပါတယ်။ အဲဒီ ဆန်ဆာဟာ iOS 12 မှ ARKit 2 နဲ့ တွဲဖက် အလုပ်လုပ်မှာပါ။ iOS 13 မှာတော့ ARKit 3 ပါလာမှာပါ။

Ref : theverge

ဒီဇိုင်း အသစ်တွေ သုံးထားမယ့် 2020 iPhone တွေ

%d bloggers like this: