Apple က စက်တင်ဘာလ ၁၀ ရက်မှာ iPhone အသစ်တွေကို ကြေညာမယ်လို့ အတည်ပြု

Apple က ကယ်လီဖိုးနီးယား ပြည်နယ် Cupertino ရှိ ရုံးချုပ်မှ Steve Jobs Theater မှာ စက်တင်ဘာလ ၁၀ ရက်နေ့တွင် iPhone အသစ်တွေကို ကြေညာမယ်လို့ အတည်ပြုလိုက်ပါတယ်။ ကုမ္ပဏီက ဖိတ်စာတွေကိုလည်း ဝေငှလိုက်ပါတယ်။ ဖိတ်စာမှာ By innovation only လို့ ရေးသားထားတဲ့အတွက် iPhone အသစ်တွေမှာ ပါလာမယ့် ထူးခြားဆန်းသစ်မှုတွေကို ရင်ခုန်စောင့်စားရတော့မှာ ဖြစ်ပါတယ်။

Citi Research က iPhone 11 မှာ Apple Pencil ကို တွဲဖက် သုံးနိုင်မယ်လို့ ပြောထားပါတယ်။ Citi Research က iPhone 11 တွေရဲ့ ဈေးဟာ အရင်နှစ် မော်ဒယ်တွေနဲ့ တူမယ်လို့လည်း ပြောပါတယ်။ အဲဒီအတွက် iPhone XR ရဲ့ မျိုးဆက်ကို ၇၄၉ ဒေါ်လာ သတ်မှတ်ထားနိုင်ပါတယ်။ ဈေးအကြီးဆုံးက iPhone XS Max ရဲ့ မျိုးဆက် ဖြစ်ပြီး ၁၀၉၉ ဒေါ်လာနဲ့အထက် ရှိနိုင်ပါတယ်။ iPhone XS ရဲ့ မျိုးဆက်ကို ၉၉၉ ဒေါ်လာ သတ်မှတ်ထားနိုင်ပါတယ်။

iPhone 11 Series တွေမှာ USB-C Charger ပါလာမယ်လို့ သတင်းထွက်နေပါတယ်။ ဒီသတင်းသာ မှန်မယ် ဆိုရင် iPhones တွေမှာ Fast Charger ကို သုံးနိုင်တော့မှာ ဖြစ်ပါတယ်။ Apple အရေး ကျွမ်းကျင်တဲ့ Ming-Chi Kuo က ၂၀၁၉ ခုနှစ်ထုတ် iPhone များမှာ ပိုအဆင့်မြင့်တဲ့ Face ID Camera ပါလာမယ်လို့ ဟောကိန်းထုတ်ထားပါတယ်။ Kuo က ပတ်ဝန်းကျင်မှ အလင်းရောင် ကျရောက်တဲ့အခါမှာ လူ့ရဲ့ မျက်နှာကို ကောင်းစွာ အာရုံခံနိုင်တဲ့ ဆန်ဆာ အသစ်ကို သုံးထားခြင်းဖြင့် Face ID လုပ်ဆောင်ချက်ကို ပိုကောင်းအောင် ဖန်တီးထားမယ်လို့ ပြောပါတယ်။

ယခင်နှစ်က မိတ်ဆက်ခဲ့တဲ့ iPhone X ရဲ့ Face ID ဟာ မျက်နှာကို ခွဲခြမ်းစိတ်ဖြာဖို့ အတွက် အနီအောက်ရောင်ခြည်ပေါင်း ၃၀ ၀၀၀ ကျော်ကို အသုံးပြုပါတယ်။ အဲဒီနည်းပညာဟာ အမှောင်ထဲမှာတောင် ကောင်းစွာ အလုပ်လုပ်ပေမယ့် တောက်ပတဲ့ နေရောင်အောက်မှာတော့ သိပ်ပြီး တိကျမှု မရှိပါဘူး။ ဒီနှစ်ထုတ် အိုင်ဖုန်းများမှာတော့ ဒီပြဿနာများကို ဖြေရှင်းနိုင်မှာပါ။

Ref : gsmarena

Apple က စက်တင်ဘာလ ၁၀ ရက်မှာ iPhone အသစ်တွေကို ကြေညာမယ်လို့ အတည်ပြု

%d bloggers like this: