Redmi Note 8 Pro မှာ 25x Zoom ပါမည်

လာမယ့် တစ်ပတ်မှာ Redmi က Note 8 နဲ့ Note 8 Pro တို့ကို ကြေညာတော့မှာ ဖြစ်ပါတယ်။ Pro Model မှာ 64MP Camera ပါမယ်လို့ ကုမ္ပဏီက အတည်ပြုထားပါတယ်။ အခုတော့ ကုမ္ပဏီက Redmi Note 8 Pro ရဲ့ 25x Zoom စွမ်းရည်ကို ပိုစတာ ၁ ခုနဲ့ ပြသလိုက်ပြီး ငှက်ရဲ့ အမွှေးတွေကိုတောင် ပြတ်သားစွာ မြင်ရတာကို တွေ့ရပါတယ်။

Redmi က 64MP Camera ဟာ 9248×6936 Pixels Resolution Photo တွေကို ရိုက်ကူးပေးနိုင်တယ်လို့ ပြောထားပြီး Full HD Resolution ရဲ့ 25x ရှိပါတယ်။ 4K ထက်မြင့်ပြီး 8K Resolution ထက် 2x ပိုများပါတယ်။ Pro မဟုတ်တဲ့ မော်ဒယ်မှာ 48MP Camera ထည့်သွင်းထားမှာ ဖြစ်ပါတယ်။

Redmi Note 8 Series တွေမှာ ဂိမ်း အသားပေး Helio G90T Chipset ပါမယ်ဆိုတာ သေချာသွားပါပြီ။ MediaTek က နောက်ထွက်မယ့် Redmi Note Series တွေမှာ အဲဒီ Chipset ပါမယ်လို့ ဝီဘိုမှာ မနေ့က ကြေညာလိုက်ပါတယ်။ သူတို့ကို ဒီလ ၂၉ ရက်မှာ ကြေညာတော့မှာပါ။

Pro Model မှာ Samsung ISOCELL Bright GW1 64-Megapixel Lens ကို ပင်မ ကင်မရာအနေနဲ့ ထည့်သွင်းထားမှာဖြစ်ပြီး ၃.၂၆ မီတာရှိတဲ့ အရွယ်ကြီး ပိုစတာ ၁ ခုကိုတောင် ထုတ်လုပ်ပေးနိုင်ပါတယ်။ Redmi ရဲ့ အကြီးအကဲ Lu Weibing က Redmi Note 8 Series တွေဟာ ဘက်ထရီနဲ့ ကင်မရာတွေ ပိုကောင်းလာပြီး Screen-to-body Ratio က မြင့်တဲ့ အတွက် ကိုင်ရတာ သက်တောင့်သက်သာ ဖြစ်မယ်လို့ ပြောထားပါတယ်။

Ref : gsmarena

Redmi Note 8 Pro မှာ 25x Zoom ပါမည်

%d bloggers like this: