Redmi Note 8 Pro ရဲ့ Hands-on Images တွေ ထွက်ပေါ်လာ

Xiaomi က စွမ်းရည်သင့် ဖုန်း အသစ်တွေ ဖြစ်တဲ့ Redmi 8 Series တွေကို ကြေညာတော့မှာ ဖြစ်ပါတယ်။ Redmi 8 ရဲ့ Hands-on Images တွေ မနေ့က ထွက်ပေါ်ခဲ့ပါတယ်။ အခုတော့ Redmi Note 8 Pro အလှည့်ပါ။ သူဟာ Redmi 8 Series တွေထဲမှာ စွမ်းရည်အမြင့်ဆုံး ဖြစ်နိုင်ပါတယ်။ Redmi Note 8 Pro ရဲ့ တီဗီ ကြော်ငြာကနေ Hands-on Images ကို ရိုက်ကူးထားတာ ဖြစ်နိုင်ပါတယ်။ သူ့ရဲ့ အနောက်ဘက် ဒီဇိုင်းဟာ Redmi K20 , K20 Pro တွေနဲ့ တူညီပါတယ်။

အနောက်ကင်မရာတွေကတော့ ဘယ်ဘက်အထက်မှာ မဟုတ်တော့ဘဲ အလယ်မှာ ဒေါင်လိုက် တပ်ဆင်ထားပါတယ်။ ကင်မရာ ၃ လုံးနဲ့ လက်ဗွေရာ ကိရိယာ ပါပါတယ်။ Redmi က တန်ဖိုးသင့် ဖုန်းတွေမှာ မျက်နှာပြင်အောက် လက်ဗွေရာ ကိရိယာ ထည့်ပေးခြင်း မရှိပါဘူး။

Redmi Logo တည်နေရာဟာလည်း K20 Series တွေနဲ့ တူပါတယ်။ Redmi Note 8 Pro ရဲ့ Specs တွေတော့ သိပ်ပြီး မထွက်လာသေးပါဘူး။ အနောက်ကင်မရာ ၃ လုံးပါလာမှာ သေချာပြီး ၁ လုံးက 64MP ဖြစ်ပါတယ်။ Redmi ရဲ့ အကြီးအကဲ Lu Weibing က Redmi Note 8 Series တွေဟာ ဘက်ထရီနဲ့ ကင်မရာတွေ ပိုကောင်းလာပြီး Screen-to-body Ratio က မြင့်တဲ့ အတွက် ကိုင်ရတာ သက်တောင့်သက်သာ ဖြစ်မယ်လို့ ပြောထားပါတယ်။

Ref : gsmarena

Redmi Note 8 Pro ရဲ့ Hands-on Images တွေ ထွက်ပေါ်လာ

%d bloggers like this: