လာမယ့် ၃ နှစ်အတွင်း ဝက်နှလုံးကို လူတွေမှာ အစားထိုးနိုင်တော့မည်

လာမယ့် ၃ နှစ်အတွင်း ဝက်နှလုံးကို လူတွေမှာ အစားထိုးနိုင်တော့မယ်လို့ နာမည်ကျော် ခွဲစိတ်ဆရာဝန် ၁ ယောက်က ပြောပါတယ်။ ဗြိတိန်မှာ ပထမဆုံး နှလုံး အစားထိုးမှုကို အောင်မြင်စွာ ပြုလုပ်နိုင်ခဲ့တဲ့ Sir Terence English က အဲဒီ စီမံကိန်းကို အကောင်အထည်ဖော်နေတာပါ။ အဲဒီ နည်းလမ်းကို Xenotransplantation လို့ နာမည်ပေးထားပြီး သူက ကျောက်ကပ်တောင် ဒီလို အစားထိုးနိုင်ရင် နှလုံးလည်း အစားထိုးနိုင်မယ်လို့ ပြောပါတယ်။

ဗြိတိန်မှာ နှလုံးအစားထိုးဖို့ စောင့်ဆိုင်းနေတဲ့ လူပေါင်း ၂၈၀ လောက်ရှိပါတယ်။ တိရိစ္ဆာန်တွေရဲ့ နှလုံးကို လူတွေမှာ အစားထိုးနိုင်ရင် စောင့်ဆိုင်းစရာ မလိုတော့ဘဲ ရောဂါဝေဒနာလည်း ပျောက်ကင်းသွားမှာ ဖြစ်ပါတယ်။ တိရိစ္ဆာန်တွေကနေ နှလုံးကို ရယူနိုင်သလို ဓါတ်ခွဲခန်းထဲမှာ နှလုံးကို ဖန်တီးတာမျိုးတွေ ပြုလုပ်နိုင်ပါတယ်။

၀က် နှလုံးဟာ လူတွေနဲ့ အရွယ်အစား တူတဲ့ အတွက် ရွေးချယ်ဖို့ အကောင်းဆုံး ဖြစ်ပါတယ်။ ကျောက်ကပ်အစားထိုးတာကို လာမယ့်လ အနည်းငယ်အတွင်းမှာ ပြုလုပ်မယ်လို့ Sir Terence English က ပြောပါတယ်။ သူဟာ အလာဘားမား တက္ကသိုလ်ရဲ့ ပါမောက္ခ ဖြစ်ပါတယ်။ သူက “ တိရိစ္ဆာန် အခွင့်အရေး သမားတွေက ဒါကို ဆန့်ကျင်ကြနိုင်ပါတယ်။ ဒါပေမယ့် လူ့အသက်တွေကို ကယ်တင်နိုင်တာ မကောင်းဘူးလား။ “ လို့ ပြောပါတယ်။

လူ့ခန္တာကိုယ်က ငြင်းဆန်တာတွေ မဖြစ်အောင် တိရိစ္ဆာန်တွေရဲ့ နှလုံးတွေကို အဆင့်မြင့် Gene ပြုပြင်တဲ့ နည်းပညာကို အသုံးပြုမှာ ဖြစ်ပါတယ်။ လူတွေ မတိုင်ခင်မှာ မျောက်တွေနဲ့ စမ်းသပ်ဖို့ ရည်ရွယ်ထားပါတယ်။

Ref : dailymail

လာမယ့် ၃ နှစ်အတွင်း ဝက်နှလုံးကို လူတွေမှာ အစားထိုးနိုင်တော့မည်

%d bloggers like this: