ပစ်မှတ်ကို အလိုလို ရွေးချယ် နိုင်တဲ့ AI အခြေပြု ဒုံးကျည်ကို အမေရိကန် တီထွင်နေ

အမေရိကန် စစ်တပ်က နည်းပညာမြင့် တိုက်ခိုက်ရေး လက်နက်တွေကို အစဉ်တစိုက် ဖန်တီးနေပါတယ်။ အခုလည်း ဉာဏ်ရည်တု နည်းပညာပါပြီး ပစ်မှတ်ကို အလိုလို ရွေးချယ် နိုင်တဲ့ ဒုံးကျည်ကို အမေရိကန် တီထွင်နေပါတယ်။ ၂၀၂၁ ခုနှစ်မှာ အဲဒီ ဒုံးကျည်ကို အောင်မြင်စွာ တီထွင်နိုင်ဖို့ ရည်ရွယ်ထားပါတယ်။ အဲဒီ နည်းပညာကို Cannon-Delivered Area Effects Munition (C-DAEM) System လို့ နာမည်ပေးထားပါတယ်။

ဒုံးကျည်ဟာ ၆၀ ကီလိုမီတာ အထိ ပစ်ခတ်နိုင်ပြီး ၂၈ ကီလိုမီတာ ပတ်လည်မှ ရန်သူတွေကို ရှာဖွေနိုင်ပါတယ်။ ဝေဟင်ကနေ ပစ်မှတ်တွေကို ရှာဖွေနေချိန်မှာ အရှိန်လျှော့တဲ့ နည်းစနစ်တွေလည်း ထည့်သွင်းထားပါတယ်။ အဲဒီ နည်းပညာကို အမေရိကန် စစ်တပ်အတွက် ဖန်တီးပေးဖို့ ကုမ္ပဏီတွေက ယှဉ်ပြိုင်ကြမှာပါ။

အမေရိကန်စစ်တပ်က မောင်းသူမဲ့ လေယာဉ်များကို စိတ်ဖြင့် ထိန်းချုပ်နိုင်တဲ့ နည်းပညာကို ဖန်တီးနေတယ်လို့လည်း မေလက သတင်းထွက်ခဲ့ပါတယ်။ အဲဒီ နည်းပညာကို N3 or Next Generation Nonsurgical Neurotechnology လို့ အမည်ပေးထားပါတယ်။ မောင်းသူမဲ့ ယာဉ်များ၊ ဆိုက်ဘာ ကာကွယ်ရေး စနစ်များနဲ့ သင့်တော်မယ့် ကာကွယ်ရေး စနစ်များမှာ ဒီနည်းပညာကို အသုံးပြုမယ်လို့ ဒါပါရဲ့ ကြေညာချက်ထဲမှာ ဖော်ပြထားပါတယ်။ သူ့ရဲ့ နည်းပညာမှာ ပါဝင်တဲ့ ကိရိယာများဟာ စစ်မြေပြင်မှာလို အခြေအနေမျိုးမှာ သုံးနိုင်အောင် သေးငယ်ပေ့ါပါးပြီး မာကြောဖို့ ဒီဇိုင်းထုတ်ထားမှာ ဖြစ်ပါတယ်။

ဒါပါရဲ့ ဇီ၀ နည်းပညာ ရုံးမှ Dr. AI Emondi က “ ဦးနှောက်ရဲ့ အလွန်သေးငယ်တဲ့ ဧရိယာများနဲ့ တိကျစွာ ဆက်သွယ်နိုင်မယ့် နည်းလမ်းများကို ပူးပေါင်း ဖန်တီးဖို့ ကဏ္ဍများစွာမှ ပညာရှင်များအား ညွှန်ကြားထားပါတယ်။ N3 စနစ်မှာ အသုံးပြုဖို့ ဖြစ်ပါတယ်။ “ လို့ ပြောပါတယ်။ လက်ရှိမှာ ဒါပါက ဒီနည်းပညာကို ဖန်တီးနေဆဲ အဆင့်မှာသာ ရှိနေပါသေးတယ်။

Ref : gizmodo

ပစ်မှတ်ကို အလိုလို ရွေးချယ် နိုင်တဲ့ AI အခြေပြု ဒုံးကျည်ကို အမေရိကန် တီထွင်နေ

%d bloggers like this: