စက်တင်ဘာလမှာ ကြေညာနိုင်မယ့် Xiaomi Mi 9S 5G

ဒီလ အစောပိုင်းက Xiaomi ဟာ 5G ပါတဲ့ ဒုတိယမြောက် စွမ်းရည်မြင့် ဖုန်း ၁ လုံးကို ကြေညာမယ်လို့ ပြောခဲ့ပါတယ်။ အခုတော့ ကုမ္ပဏီက အဲဒီဖုန်းအတွက် အဓိက ကျတဲ့ Certifications ၃ ခုကို ရထားပြီးပြီ ဖြစ်ပြီး မကြာခင်မှာ ကြေညာမယ်လို့ ပြောပါတယ်။ အဲဒီ ဖုန်းဟာ Xiaomi Mi 9S 5G ဖြစ်မယ်လို့ အရင်က သတင်းထွက်ထားပါတယ်။

Xiaomi Mi 9S 5G Version ကို တရုတ်ဆက်သွယ်ရေး ကော်မရှင်(TENAA) မှာ မှတ်ပုံတင်ထားပါတယ်။ သူ့ရဲ့ Specifications အပြည့်အစုံကိုတော့ မသိရသေးပါဘူး။ ဒါပေမယ့် အချို့ Specifications တွေကို ဖော်ပြထားပြီး ဓါတ်ပုံအချို့ကိုလည်း တွေ့ရပါတယ်။ သူဟာ မူလ Mi 9 ထက် အနည်းငယ် ပိုထူလာပြီး ၇.၆ မီလီမီတာကနေ ၈.၉၅ မီလီမီတာအထိ ရှိလာပါတယ်။ ဘက်ထရီကိုလည်း 3300mAh ကနေ 4000mAh အထိ တိုးမြှင့်ပေးလိုက်ပါတယ်။ ဘက်ထရီမှာ 45W Fast Charging ပါလာနိုင်ပြီး 27W ထက် ပိုကောင်းလာမှာ ဖြစ်ပါတယ်။

TENAA မှ သတင်းအချက်အလက်တွေအရ မျက်နှာပြင် အရွယ်အစားကတော့ ၆.၃၉ လက်မ ဖြစ်ပြီး မူလ Mi 9 နဲ့ တူညီပါတယ်။ ဒါပေမယ့် အချို့သတင်းတွေအရ မျက်နှာပြင် အရည်အသွေးဟာ 1440p+ ဖြစ်မယ်လို့ သိရပါတယ်။

Xiaomi က Mi 9S 5G မှာ Snapdragon 855+ Chipset နဲ့ အဆင့်မြှင့်ထားနိုင်ပြီး အနောက်ဘက်မှ ပင်မ ကင်မရာမှာ OIS နည်းပညာ ပါလာနိုင်ပါတယ်။ Mi Mix 3 5G မှာလို သူ့မှာ Dual SIM Card Slot (Dual Standby) ပါလာမှာ ဖြစ်ပါတယ်။ China Unicorn က အဲဒီ ဖုန်းကို Xiaomi Mi 9S လို့ နာမည်ပေးထားမှာ ဖြစ်ပြီး စက်တင်ဘာလမှာ မိတ်ဆက်နိုင်ပါတယ်။

Ref : gsmarena

စက်တင်ဘာလမှာ ကြေညာနိုင်မယ့် Xiaomi Mi 9S 5G

%d bloggers like this: