Xiaomi က Redmi K20 အတွက် Gamepad ကို ရောင်းမည်

လာမယ့် သောကြာနေ့မှာ တရုတ်ရဲ့ အကြီးမားဆုံး Gaming နဲ့ Digital Entertainment ပြပွဲ ဖြစ်တဲ့ China Joy Expo ကို ကျင်းပတော့မှာပါ။ Xiaomi က အဲဒီပွဲမှာ ပါဝင်မှာ ဖြစ်ပြီး ထုတ်ကုန် အသစ်တွေကို ကြေညာနိုင်ပါတယ်။ Xiaomi ရဲ့ တရားဝင် ဝီဘိုအကောင့်က Gaming Product အသစ်တစ်ခုကို ကြေညာတော့မယ်လို့ ဖော်ပြလိုက်ပါတယ်။ Xiaomi က မကြာခင်က ကြေညာထားတဲ့ Redmi K20 အတွက် Gaming Accessory တစ်ခုကို ကြေညာမယ်လို့ အရိပ်အမြွက် ပြောထားတဲ့ ပိုစတာတစ်ခုကို မျှဝေလိုက်ပါတယ်။

ကုမ္ပဏီက Gaming Laptop တစ်ခုကို ကြေညာနိုင်ပါတယ်။ ဒါ့အပြင် Redmi K20 မိတ်ဆက်ပွဲမှာ ကြေညာခဲ့တဲ့ Game Controller Accessory ကို ရောင်းချနိုင်ပါတယ်။ အဲဒီ Gamepad ဟာ ပထမဆုံး Xiaomi Black Shark Phone မှာပါတဲ့ Gamepad နဲ့ ဆင်တူပါတယ်။

K20 က တန်ဖိုးသက်သာတဲ့ မော်ဒယ် ဖြစ်ပြီး Snapdragon 730 , 6GB RAM များပါပါတယ်။ ပရိုဗားရှင်းမှာ Snapdragon 855 , 8GB RAM အထိ ပါပါတယ်။ K20 မှာ ၆.၃၉ လက်မ Full HD+ AMOLED Display ပါပြီး Screen-to-body Ratio မှာ ၉၁.၉ ရာခိုင်နှုန်းပါ။ Android Pie အခြေပြု MIUI 10 ပါပါတယ်။ မျက်နှာပြင်အောက် လက်ဗွေရာ ကိရိယာ ပါပါတယ်။

48MP+8MP Telephoto+13MP Ultra-wide Camera များ ပါပါတယ်။ 20MP Pop-up Front Camera ထည့်ထားပါတယ်။ အနောက်ဘက်ဟာ မီးတောက်မီးလျှံ Pattern ဖြစ်ပြီး အပြာ၊ အနီရောင်များ ထုတ်ထားပါတယ်။ Kevlar Gradient Texture များပါတဲ့ အနက်ရောင်ကိုလည်း ရွေးချယ်နိုင်ပါတယ်။ 4000mAh Battery ပါပြီး 18W Fast Charging ကို ထောက်ပံ့ထားပါတယ်။ 6GB/64GB Version ကို ၂၈၉ ဒေါ်လာနဲ့ 6GB/128GB Version ကို ၃၀၃ ဒေါ်လာ သတ်မှတ်ထားပါတယ်။

Ref : gsmarena

Xiaomi က Redmi K20 အတွက် Gamepad ကို ရောင်းမည်

%d bloggers like this: