Asus ROG Phone II များ ၇၃ စက္ကန့်ထဲနဲ့ အလုံးရေ ၁၀,၀၀၀ ရောင်းချနိုင်ခဲ့တဲ့

Asus ROG Phone II ဟာ ပထမဆုံး Flash Sale မှာ ၇၃ စက္ကန့်ထဲနဲ့ အလုံးရေ ၁၀,၀၀၀ ရောင်းချနိုင်ခဲ့တယ်လို့ ကုမ္ပဏီက ကြေညာလိုက်ပါတယ်။ ပထမဆုံး Flash Sale မတိုင်ခင်မှာလည်း သူဟာ တရုတ်မှာ အရမ်းကို ဟော့နေပါတယ်။ အဲဒီ ဖုန်းကို ဝယ်ယူဖို့ JD.com မှာ စာရင်းပေးသွင်းထားသူ ၂.၅ သန်းကျော်ရှိခဲ့ပါတယ်။

Tencent Version နဲ့ Vanilla Version ဆိုပြီး နှစ်မျိုးထုတ်လုပ်ထားပါတယ်။ Tencent Version ရဲ့ 8/128GB ကို ယွမ် ၃၅၀၀ (၅၁၀ ဒေါ်လာ) သတ်မှတ်ထားပါတယ်။ 12/512GB ကို ယွမ် ၆၀၀၀ (၈၇၀ ဒေါ်လာ) ကျသင့်ပါတယ်။ မြန်မာငွေ ၇၇၀ ၀၀၀ နဲ့ ၁ ၃၀၀ ၀၀၀ ဝန်းကျင် အသီးသီး ရှိနိုင်ပါတယ်။

Vanilla Version ရဲ့ 12/128GB ကို ယွမ် ၆၀၀၀ (၈၇၀ ဒေါ်လာ) ကျသင့်ပါတယ်။ မြန်မာငွေ ၁ ၃၀၀ ၀၀၀ ဝန်းကျင် ရှိပါတယ်။ အထူးထုတ် ဗားရှင်းများကိုလည်း ရောင်းချပေးထားပါတယ်။ Zhizun ကို ယွမ် ၈၀၀၀ နဲ့ Esports Armor Version ကို ယွမ် ၁၃ ၀၀၀ သတ်မှတ်ထားပါတယ်။ မြန်မာငွေ ၁ ၇၀၀ ၀၀၀ နဲ့ ၂ ၈၀၀ ၀၀၀ သိန်းလောက် ကျသင့်ပါတယ်။

ROG Phone II ဟာ Qualcomm Snapdragon 855 Plus ထည့်သွင်းထားတဲ့ ပထမဆုံး စမတ်ဖုန်း ဖြစ်ပါတယ်။ အဲဒီ Chipset ဟာ ဂိမ်းကစားရင် အရမ်းကို ချောမွတ်မြန်ဆန်အောင် ဖန်တီးထားပါတယ်။ CPU နဲ့ GPU စွမ်းရည်များကလည်း မူလ Snapdragon 855 ထက် ပိုကောင်းလာပါတယ်။

Ref : gsmarena

Asus ROG Phone II များ ၇၃ စက္ကန့်ထဲနဲ့ အလုံးရေ ၁၀,၀၀၀ ရောင်းချနိုင်ခဲ့တဲ့

%d bloggers like this: