၁ လအတွင်း Nova 5 Smartphone ၂ သန်း ရောင်းချနိုင်ခဲ့တဲ့ Huawei

Huawei က Nova 5 Series တွေကို ဇွန်လ ၂၁ ရက်မှာ ကြေညာခဲ့ပါတယ်။ အားလုံးပေါင်း သုံးလုံးပါ။ အဲဒီ ဖုန်းတွေမှာ Kirin 810 Chipset ကို စတင် မိတ်ဆက်ခဲ့တာပါ။ Kirin 810 ကို Huawei က နောက်ထုတ်မယ့် စွမ်းရည်သင့် ဖုန်းတွေမှာ ထည့်သွင်းထားမှာဖြစ်ပါတယ်။

ကြေညာအပြီး ၅ ပတ်အကြာမှာ Huawei က Nova 5 Series တွေကို အလုံးရေ ၂ သန်းရောင်းချထားပြီးပြီလို့ ပြောပါတယ်။ Nova 5i , Nova 5 နဲ့ Nova 5 Pro တွေ ဖြစ်ပါတယ်။ အသစ် ကြေညာထားတဲ့ Nova 5i Pro တော့ ဒီရောင်းချမှု စာရင်းထဲမှာ မပါပါဘူး။

တရုတ်မှာ လေးကြိမ်ဆက်တိုက် ရောင်းချခဲ့တဲ့ Flash Sale ရလဒ်တွေကို ကုမ္ပဏီက ကြေညာတာ ဖြစ်ပါတယ်။ တရုတ် ပြင်ပမှ ရောင်းအားတွေကိုတော့ မသိရသေးပါဘူး။ Nova 5i Pro ပါ ပါမယ့် နောက် အသုတ် ရောင်းချမှုကို သြဂုတ်လ ၂ ရက်မှာ ပြုလုပ်ပေးမှာ ဖြစ်ပါတယ်။ Vmall.com , JD.com တို့ကနေ ဝယ်ယူနိုင်မှာပါ။

Nova 5 ရဲ့ 8/128GB Model ကို ၄၀၇ ဒေါ်လာ သတ်မှတ်ထားပါတယ်။ Nova 5 Pro အတွက် အနက်၊ ခရမ်း၊ အစိမ်းနဲ့ လိမ္မော်ရောင်များထုတ်လုပ်ပေးထားပြီး 8/128GB Model ကို ၄၃၆ ဒေါ်လာ သတ်မှတ်ထားပါတယ်။ 8/256GB ကို ၄၉၄ ဒေါ်လာ ကျသင့်ပါတယ်။

Ref : gsmarena

၁ လအတွင်း Nova 5 Smartphone ၂ သန်း ရောင်းချနိုင်ခဲ့တဲ့ Huawei

%d bloggers like this: