ဆုငွေ သိန်းပေါင်း ၄၅,၀၀၀ ရသွားတဲ့ Fortnite ကမ္ဘာ့ ချန်ပီယံ

Fortnite ကမ္ဘာ့ဖလားရဲ့ တစ်ယောက်ချင်း ပြိုင်ပွဲမှာ Kyle Giersdorf ဆိုသူက ဗိုလ်စွဲပြီး ဆုကြေးငွေ ဒေါ်လာ ၃ သန်းကို သိမ်းပိုက်နိုင်ခဲ့ပါတယ်။ မြန်မာငွေနဲ့ ဆိုရင် သိန်းပေါင်း ၄၅,၀၀၀ ကျော် ရှိပါတယ်။ သူဟာ အသက် ၁၆ နှစ်သာ ရှိပါသေးတယ်။ အမေရိကန် နိုင်ငံသား ဖြစ်ပါတယ်။

သူ့ရဲ့ ဂိမ်မာ နာမည်က Bugha ပါ။ သူဟာ ပြိုင်ပွဲဝင်ပေါင်း သန်း ၄၀ ကို အနိုင်တိုက်ခဲ့ရတာ ဖြစ်တဲ့ အတွက် လွယ်လွယ်ကူကူနဲ့ ချန်ပီယံ ဖြစ်ခဲ့တာ မဟုတ်ပါဘူး။ အဲဒီအထဲက အနိုင်ရခဲ့တဲ့ အယောက် ၁၀၀ ဟာ ပြီးခဲ့တဲ့ တနင်္ဂနွေနေ့က နယူးယောက်မှ Arthur Ashe Stadium မှာ အကြိတ်အနယ် ယှဉ်ပြိုင်ခဲ့ကြတာ ဖြစ်ပါတယ်။

သူဟာ ဖိုင်နယ် ပွဲမှာ အပြုံးမပျက်ဘဲ ပြိုင်ဖက်တွေကို အနိုင်ယူနိုင်ခဲ့တယ်လို့ ဂိမ်းပြိုင်ပွဲမှ အစီအစဉ် ကြေညာသူတွေက ပြောပါတယ်။ သူက ချန်ပီယံ ဆုကို ကြေညာလိုက်ချိန်မှာ အရမ်းကို ဝမ်းသာပြီး ပျော်မြူးနေခဲ့ပါတယ်။ သူက ချန်ပီယံ ဆုဖလား ထားဖို့အတွက် စားပွဲခုံတစ်လုံး ဝယ်မယ်လို့ ပြောပါတယ်။ ဆုကြေးငွေ အများစုကိုတော့ သုံးမှာ မဟုတ်ဘဲ စုထားမယ်လို့ ပြောပါတယ်။

Fortnite Game ကို ဖန်တီးထားတဲ့ Epic Games Company ဟာ ပြိုင်ပွဲတစ်လျှောက်မှာ ဆုကြေးငွေ ဒေါ်လာ သန်း ၄၀ ကျော် ပေးခဲ့ပြီး E-sports ပြိုင်ပွဲတွေထဲမှာ ဆုကြေးငွေ အများဆုံး ဖြစ်လာပါတယ်။ မနေ့ကလည်း နှစ်ယောက်တွဲ ပြိုင်ပွဲမှာ အနိုင်ရခဲ့သူများ ထွက်ပေါ်ခဲ့ပြီး သူတို့ဟာလည်း ဒေါ်လာ ၃ သန်းရသွားခဲ့ပါတယ်။

Ref : yahoo

ဆုငွေ သိန်းပေါင်း ၄၅,၀၀၀ ရသွားတဲ့ Fortnite ကမ္ဘာ့ ချန်ပီယံ

%d bloggers like this: