Black Shark 2 Pro ရဲ့ ဓါတ်ပုံတစ်ခု ထွက်ပေါ်လာ

Xiaomi က တရုတ်မှာ Black Shark 2 Pro Gaming Smartphone ကို ဒီလ ၃၀ ရက်မှာ ကြေညာတော့မှာ ဖြစ်ပါတယ်။ သူ့ရဲ့ သတင်းအချက်အလက်များလည်း အွန်လိုင်းမှာ ပေါက်ကြားထွက်ပေါ်နေပါတယ်။ AnTuTu မှ သတင်းအချက်အလက်တွေအရ သူ့မှာ မကြာခင်က ကြေညာထားတဲ့ Qualcomm Snapdragon 855+ SoC မောင်းနှင်ထားမှာ ဖြစ်ပါတယ်။

မျက်နှာပြင် အရည်အသွေးက Full HD+ ဖြစ်ပါတယ်။ 12GB RAM , 256GB Storage, Android Pie တွေ ပါမယ်လို့ AnTuTu က ဖော်ပြထားပါတယ်။ အရင်သတင်းတွေအရ သူရဲ့ မျက်နှာပြင်ဟာ Black Shark 2 ထက် Refresh Rate ပိုမို မြင့်မားလာမှာ ဖြစ်ပါတယ်။

Black Shark 2 Pro ရဲ့ ဓါတ်ပုံတစ်ခု အွန်လိုင်းမှာ ထွက်လာပါတယ်။ သူ့ရဲ့ အနောက်ဘက် ဒီဇိုင်းကို အနည်းငယ် ပြောင်းလဲထားပါတယ်။ သူဟာ Black Shark 2 ထက် အနောက်ဘက်မှာ ဖန် မျက်နှာပြင် ပိုများနိုင်ပါတယ်။ ထောင့်စွန်းနဲ့ LED Strips များကိုလည်း အနည်းငယ် ဆန်းသစ်ထားပါတယ်။ အခြား အပိုင်းတွေမှာတော့ သူဟာ Black Shark 2 နဲ့ တူပါတယ်။

Pro မဟုတ်တဲ့ Black Shark 2 ကို ဒီနှစ်ထဲမှာ ကြေညာခဲ့ပြီး သူ့မှာ Snapdragon 855 Chipset ထည့်သွင်းထားတာပါ။ Black Shark 2 Pro မှာတော့ Snapdragon 855 Plus နဲ့ အဆင့်မြှင့်ထားနိုင်ပါတယ်။ ဂိမ်း စမတ်ဖုန်းများဟာ စွမ်းဆောင်ရည် အပိုင်းကို အဓိကထား ဖန်တီးထားပြီး ကင်မရာများကို အာရုံသိပ်မစိုက်ထားပါဘူး။

Ref : gsmarena

Black Shark 2 Pro ရဲ့ ဓါတ်ပုံတစ်ခု ထွက်ပေါ်လာ

%d bloggers like this: