Asus ROG Phone II ကို တရုတ်မှာတင် အလုံးရေ ၁.၆ သန်းကျော် မှာယူနေကြ

Asus က တနင်္လာနေ့က ROG Phone II ကို ကြေညာခဲ့ပါတယ်။ အခုတော့ သူ့ကို တရုတ်မှာ ပထမဆုံး အသုတ်အနေနဲ့ ကြိုတင်မှာယူခွင့်ပြုလိုက်ပါတယ်။ လက်ရှိ အချိန်အထိ စာရင်းပေးသွင်းသူ ၁.၆ သန်းကျော် ရှိနေပါပြီ။ ဒီဖုန်းကို လူတွေ စိတ်ဝင်စားရတဲ့ အဓိက အကြောင်းအရင်းက ပြိုင်ဖက် ဂိမ်း ဖုန်းများထက် ဈေးချိုလို့ ဖြစ်ပါတယ်။ ယွမ် ၃၄၉၉ ( ၅၁၀ ဒေါ်လာ) တန်ကြေးရှိပြီး မြန်မာငွေ ၇၇၀ ၀၀၀ လောက်ရှိပါတယ်။

Tencent က ROG Phone II ကို ထုတ်လုပ်ဖို့ Asus ကို ကူညီခဲ့ပါတယ်။ အထက်ပါ မော်ဒယ်ဟာ Tencent Model ဖြစ်ပြီး Bloatware များစွာ ထည့်သွင်းထားပါတယ်။ အဲဒီအတွက်ကြောင့်လည်း ဈေးလျှော့ပေးထားတာပါ။ 12/128GB ပါတဲ့ Tencent မဟုတ်တဲ့ မော်ဒယ်ကို ယွမ် ၆၀၀၀ (၈၇၀ ဒေါ်လာ) နဲ့ စွမ်းရည်မြင့် မော်ဒယ်ကို ယွမ် ၆၁၉၉ (၉၀၀ ဒေါ်လာ) ကျသင့်ပါတယ်။ မြန်မာငွေ ၁၃ သိန်းနဲ့ ၁၃ သိန်း ၆ သောင်းလောက် ကျသင့်နိုင်ပါတယ်။

တရုတ်မှာ လာမယ့် တစ်ပတ်မှာ ရောင်းချမှာ ဖြစ်ပါတယ်။ အခြား နိုင်ငံများမှာ ရောင်းချမယ့် ဈေးနှုန်းနဲ့ ရောင်းချမယ့် နေ့ရက်ကို သြဂုတ်လလယ်လောက်မှာ သိရမှာ ဖြစ်ပါတယ်။ Asus ROG Phone II ဟာ Qualcomm Snapdragon 855 Plus ပါတဲ့ ပထမဆုံး စမတ်ဖုန်း ဖြစ်ပါတယ်။ သူ့အတွက် Accessory များစွာ ထုတ်လုပ်ထားပြီး Game Developers များစွာနဲ့ ပူးပေါင်းထားပါတယ်။

Ref : gsmarena

Asus ROG Phone II ကို တရုတ်မှာတင် အလုံးရေ ၁.၆ သန်းကျော် မှာယူနေကြ

%d bloggers like this: