Google က ကင်ညာတွင် မိုးပျံဘောလုံးများနဲ့ အင်တာနက် ထုတ်လွှင့်ပေးမည်

ကမ္ဘာမှာ အင်တာနက် ဆက်သွယ်မှု မရသေးတဲ့ လူပေါင်း ဘီလီယမ်နဲ့ချီပြီး ရှိနေပါသေးတယ်။ အဲဒီ လူများအတွက် ဂူဂယ်လ်က မိုးပျံဘောလုံးများဖြင့် အင်တာနက် ထုတ်လွှင့်ပေးတဲ့ Project Loon စီမံကိန်းကို ပြုလုပ်နေပါတယ်။ အခုလည်း ဒီနှစ်ထဲမှာ ဂူဂယ်လ်က ကင်ညာတွင် မိုးပျံဘောလုံးများဖြင့် အင်တာနက်လွှင့်ပေးတော့မှာ ဖြစ်ပါတယ်။

အမြင့် ၁၂.၅ မိုင်ကနေ မိုးပျံ ဘောလုံးများဖြင့် အင်တာနက် ထုတ်လွှင့်ပေးမှာ ဖြစ်ပါတယ်။ “ ဘောလုံးတွေဟာ မိုးပေါ်ပျံနေတဲ့ Cellphone Tower တွေပဲ ဖြစ်ပါတယ်။ Loon ဟာ အင်တာနက် မရသေးတဲ့ ဒေသများအတွက် အော်ပရေတာများနဲ့ ပူးပေါင်းလုပ်ဆောင်နေတာ ဖြစ်ပါတယ်။ “ လို့ Loon ရဲ့ ပြောရေးဆိုခွင့်ရှိသူ တစ်ဦးက Digital Trends ကို ပြောပါတယ်။

ဆဲလ်တာဝါများ မရှိတဲ့ တောင်တန်းများ၊ ဝေးလံခေါင်ဖျားတဲ့ ကင်ညာမှ ဒေသများအတွက် ဂူဂယ်လ်က Telkom Kenya အော်ပရေတာနဲ့ ပူးပေါင်းထားပါတယ်။ မိုဘိုင်း အော်ပရေတာက အင်တာနက် ဝန်ဆောင်မှုရဲ့ ဈေးနှုန်းကို သတ်မှတ်မှာ ဖြစ်ပါတယ်။

အင်တာနက် ပံ့ပိုးပေးခြင်းဖြင့် အလုပ်အကိုင်များ ထူထောင်ခြင်း၊ ကျန်းမာရေး စောင့်ရှောက်မှုများ တိုးတက်ခြင်း၊ လယ်ယာလုပ်ငန်းများ အောင်မြင်ခြင်းများ ဖြစ်လာမယ်လို့ ဂူဂယ်လ်က မျှော်လင့်ထားပါတယ်။

Ref : digitaltrends

Google က ကင်ညာတွင် မိုးပျံဘောလုံးများနဲ့ အင်တာနက် ထုတ်လွှင့်ပေးမည်

%d bloggers like this: