T-Series CIGA Design Mechanical Watch ကို ပြသလိုက်တဲ့ Xiaomi

ရှောင်မီက စမတ်ဖုန်း၊ တက်ဘလက် များသာမက အခြား ကုန်ပစ္စည်းများကိုလည်း ထုတ်လုပ်ရောင်းချနေပါတယ်။ အခုလည်း စမတ်နာရီ မဟုတ်တဲ့ သမားရိုးကျ နာရီ တစ်လုံးကို မိတ်ဆက်လိုက်ပါတယ်။ T-Series CIGA Design Mechanical Watch လို့ အမည်ပေးထားပြီး လက်ရှိမှာ သူ့ကို ထုတ်လုပ်ရောင်းချဖို့ ရန်ပုံငွေကောက်ခံနေပါတယ်။ လက်ရှိမှာ ရန်ပုံငွေ ယွမ် ၄၉၉ (၇၂ ဒေါ်လာ) ထည့်ဝင်ထားခြင်းဖြင့် တစ်လုံး ကြိုတင်ဝယ်ယူထားနိုင်ပါတယ်။ နောက်ပိုင်းကျမှ ဝယ်ရင် ယွမ် ၆၉၉ (၁၀၁ ဒေါ်လာ) ကျသင့်မှာပါ။ မြန်မာငွေ ၁၅၀ ၀၀၀ လောက်သာ ကျသင့်မှာ ဖြစ်ပါတယ်။

T-Series CIGA Design Mechanical Watch ရဲ့ ဒီဇိုင်းက ထူးခြားဆန်းပြားပါတယ်။ အတွင်းပိုင်း အစိတ်အပိုင်းများကို ၃၆၀ ဒီဂရီ မြင်ကွင်းနဲ့ ဖောက်ထွင်းမြင်နိုင်ပါတယ်။ နာရီ ကိုယ်ထည်က လေးထောင့် မဟုတ်ဘဲ စက်ဝိုင်း ပုံသဏ္ဍာန် ဖြစ်ပါတယ်။ တန်ဖိုးကြီး နာရီ ဒီဇိုင်း ဖြစ်ပြီး ဒီဇိုင်း အပိုင်းကို အသားပေးထားပါတယ်။

သူဟာ စမတ်နာရီ မဟုတ်တဲ့ အတွက် စမတ်ဖုန်းမှ Notifications များကို သူ့မှာ မကြည့်နိုင်ပါဘူး။ ပြေးခြင်း၊ လမ်းလျှောက်ခြင်း၊ စက်ဘီးစီးခြင်းလို ကိုယ်လက်လှုပ်ရှားမှုများကို သူက တိုင်းတာပေးနိုင်ခြင်း မရှိပါဘူး။ Applications များကိုလည်း သူ့မှာ အသုံးပြုလို့ မရပါဘူး။ ဒီဇိုင်း ဆန်းသစ်တဲ့ သမားရိုးကျ နာရီများကို နှစ်သက်သူများအတွက် သူက ရွေးချယ်စရာ ဖြစ်ပါတယ်။

Ref : gsmarena

T-Series CIGA Design Mechanical Watch ကို ပြသလိုက်တဲ့ Xiaomi

%d bloggers like this: