Rescue Mission များ ပြုလုပ်နိုင်တဲ့ Drone

Massachusetts Institute of Technology (MIT) က ဖန်တီးလိုက်တဲ့ ဒရုန်းဟာ GPS မပါဘဲ အလိုအလျှောက်မောင်းနှင်နိုင်တယ်လို့ သိရပါတယ်။ တောအုပ်များထဲမှာ ပျောက်ဆုံးနေသူများအား ရှာဖွေကယ်ဆယ်ရေးများ ပြုလုပ်တဲ့ အခါမှာ ဟယ်လီကော်ပတာများဟာ သစ်ပင်များရဲ့ အထက်ကနေ ပျံသန်းကြရတဲ့ အတွက် ထိရောက်မှု မရှိပါဘူး။ MIT ရဲ့ အလိုအလျှောက်မောင်းနှင်နိုင်တဲ့ ဒရုန်းက သစ်ပင်များ အကြား ပျံသန်းနိုင်တဲ့ အတွက် ကယ်ဆယ်ရေး လုပ်ငန်းများ ပြုလုပ်ရာမှာ ပိုမို ထိရောက်ပါတယ်။

အလိုအလျှောက် မောင်းနှင်တဲ့ ဒရုန်းများမှာ ပါတဲ့ GPS များဟာ တောအုပ်များထဲမှာ Signal အားနည်းတဲ့ အတွက် တည်နေရာတွက်ချက်မှုများဟာ လွဲမှားတတ်ပါတယ်။ MIT ရဲ့ ဒရုန်းမှာ GPS အစား ကြိုးမဲ့ ဆက်သွယ်မှုနဲ့ Onboard Computation များကို အသုံးပြုထားပါတယ်။

MIT ရဲ့ ဒရုန်းမှာ ပန်ကာ လေးခု တပ်ဆင်ထားပြီး ကြိုတင်သတ်မှတ်ထားတဲ့ လမ်းကြောင်းကို ပျံသန်းနိုင်တဲ့ Tools များ ထည့်သွင်းထားပါတယ်။ ဒါ့အပြင် ဒရုန်းရဲ့ တည်နေရာကို တိကျစွာ တွက်ချက်ပေးတဲ့ Laser-range Finder လည်း ပါပါတယ်။ GPS Data များအစား ဒရုန်းက တည်နေရာများရဲ့ 3D Map ကို ပုံဖော် အသုံးပြုတာ ဖြစ်ပါတယ်။

ဒရုန်းမှာ ထည့်သွင်းရမယ့် နည်းပညာတစ်ခုက ပျောက်ဆုံးနေတဲ့ လူကို ရှာတွေ့တာနဲ့ သူ့ရဲ့ တည်နေရာကို သတင်းပို့ပေးခြင်း ဖြစ်ပါတယ်။ MIT ရဲ့ ဒရုန်းဟာ ရှာဖွေ ကယ်ဆယ်ရေး လုပ်ငန်းများအတွက် အချိန်ကုန် သက်သာစေမှာ ဖြစ်ပါတယ်။

Ref : digitaltrends

Rescue Mission များ ပြုလုပ်နိုင်တဲ့ Drone

%d bloggers like this: