AMD Processor နဲ့ Nvidia GPU တွဲဖက် အသုံးပြုထားတဲ့ ASUS TUF FX505

ဈေးနှုန်းအသင့်အတင့်နဲ့ စွမ်းဆောင်ရည်မြင့် Gaming Laptop တလုံး ရှာဖွေနေတယ်ဆိုရင် ASUS က နောက်ဆုံး ထုတ်ထားတဲ့ TUF Gaming FX505 နဲ့ မိတ်ဆက်ပေးပါရစေ။ ပြီးခဲ့တဲ့ ဧပြီလကမှ ထိုင်ဝမ်မှာ မိတ်ဆက်ခဲ့တဲ့ နောက်ဆုံးပေါ် TUF Gaming Laptop မော်ဒယ်အသစ်ပါ။ ပြည်တွင်းဈေးကွက်ထဲမှာ ယခုလအတွင်း စတင်ရောင်းချတော့မှာ ဖြစ်ပါတယ်။

TUF FX505_FX705 DD/DT/DU ဟာ နောက်ဆုံးပေါ် AMD Ryzen Processors နဲ့ Nvidia ရဲ့ GeForce GTX GPU ကို ပေါင်းစပ်ထားတဲ့ စွမ်းဆောင်ရည်မြင့် Affordable Gaming Laptop တလုံး ဖြစ်ပါတယ်။ အမြင့်ဆုံး Ryzen 7 3750H CPU နဲ့ GeForce GTX 1660 Ti GPU အထိ ရရှိနိုင်မှာပါ။

အကြမ်းခံနိုင်စွမ်း မြင့်မားတဲ့ စွဲမက်ဖွယ် ဒီဇိုင်း

ဒီဇိုင်းကတော့ အရင် FX504 series နဲ့ သိပ်မကွာပေမယ့် Bezel သေးသွားတဲ့အတွက် ကိုယ်ထည် ဗြက်လည်း ပိုသေးသွားပါတယ်။

Radiating-X ဒီဇိုင်းဖော်ထားတဲ့ ကျောဘက်ကာဗာကို Gunmetal နဲ့ Plastic ဆိုပြီး နှစ်မျိုး ထုတ်ထားပါတယ်။ ကာဗာက Radiating-X ဒီဇိုင်းက အတွင်းဘက် ကီးဘုတ်ကိုယ်ထည်ပိုင်းကို ပြန်ထင်ဟပ်နေသယောင် ဒီဇိုင်းလုပ်ထားတာက တော်တော်မိုက်ပါတယ်။ Gaming Laptop ဆိုတဲ့အတိုင်း ကိုယ်ထည်ဒီဇိုင်းကို ထောင့်ချွန်းတွေ၊ Sharp Lines တွေပဲ အဓိက သုံးထားပါတယ်။ မြင်တာနဲ့ Gaming Laptop တလုံးမှန်း သိသာမှာပါ။

ဘယ်လက်ပ်တော့မဆို အကြမ်းခံဖို့ ကလည်း အရေးကြီးပါတယ်။ Laptop ဆိုတာမျိုးက အစိတ်အပိုင်း တော်တော်များများကို အသေထည့်ပေးထားတာ ဖြစ်တဲ့အတွက် တခုခု ချို့ယွင်း၊ ပျက်စီးသွားရင် လဲဖို့ မလွယ်ပါဘူး။ အထူးသဖြင့် ဈေးကြီးပေးရတဲ့ Gaming Laptop တလုံး ဝယ်တော့မယ်ဆိုရင် Durability ကို မဖြစ်မနေ ထည့်စဉ်းစားသင့်ပါတယ်။

အခု TUF Gaming Laptop က MIL-STD-810G အသိအမှတ်ပြုလက်မှတ် ရရှိထားတာဆိုတော့ အကြမ်းခံမှုအပိုင်းက ပူစရာမလိုပါဘူး။ သာမန်လက်ပ်တော့တွေထက် အစစအရာရာ ပိုအကြမ်းခံအောင် စမ်းသပ်ထုတ်လုပ်ထားတာပါ။ မတော်တဆ ထိခိုက်မိတာ၊ စားပွဲအမြင့်လောက်က ပြုတ်ကျတာတွေကို ခံနိုင်ရည် ရှိအောင် စမ်းသပ်ပြီးမှ ထုတ်လုပ်ထားတာပါ။ နှစ်သိပ်မကြာဘဲ Display Hinge ချောင်သွားမှာ၊ ကီးဘုတ်ခလုတ် မကောင်းတော့မှာတွေလည်း စိုးရိမ်နေစရာ မလိုပါဘူး။

SSD တွေ RAM တွေ ကိုယ်တိုင် Upgrade လုပ်ချင်လည်း လွယ်လွယ်ကူကူ လုပ်နိုင်အောင် လုပ်ပေးထားပါတယ်။ သာမန် ဝက်အူလှည့်တချောင်းရှိရုံနဲ့ Storage Bays နဲ့ Memory Slots တွေကို အလွယ်တကူ ဖြုတ်တပ်နိုင်မှာပါ။

AMD နဲ့ NVIDIA တွဲဖက်ထားတဲ့ အကောင်းဆုံး စွမ်းဆောင်ရည်

ASUS TUF Gaming မှာ AMD ရဲ့ 12nm Zen+ Architecture အသစ်နဲ့ နောက်ဆုံးပေါ် Ryzen Processors တွေ သုံးပေးထားပါတယ်။ 4 Cores ၊ 8 Threads နဲ့ Ryzen 7 3750H or Ryzen 5 3550 H ဆိုပြီး CPU မော်ဒယ်နှစ်မျိုး ရရှိနိုင်ပါတယ်။ AMD ရဲ့ Zen H-series Processors တွေဟာ Gaming Laptop တွေမှာ အသုံးများတဲ့ Intel ရဲ့ 45W H-series Processors တွေကို ယှဉ်ပြိုင်ဖို့ ထုတ်လုပ်ထားတဲ့ Processors အသစ်တွေ ဖြစ်ပါတယ်။ Benchmarks တွေအရ Intel ရဲ့ 8th Gen i5-8300H နဲ့ တန်းတူလောက် ရှိပါတယ်။ CPU လိုအပ်ချက်မြင့်တဲ့ Applications တွေ၊ Multitasking တွေ ကောင်းကောင်း အသုံးပြုနိုင်ပါတယ်။ 35W ပဲ သုံးတာကြောင့် ဘက်ထရီသက်တမ်းလည်း ပိုခံမှာပါ။

Ryzen CPU ကိုမှ NVIDIA ရဲ့ Turing Architecture အသုံးပြုထားတဲ့ GeForce GTX 1660 Ti နဲ့ တွဲသုံးပေးထားတာဆိုတော့ GPU Performance ကလည်း ပြောစရာ မလိုပါဘူး။ Overwatch, Fortnite, Dota 2 စတဲ့ Esports ဂိမ်းတွေကို အမြင့်ဆုံး Settings မှာ FPS အနည်းဆုံး ၁၀၀ ကျော်လောက်နဲ့ ဆော့နိင်မှာပါ။ 120Hz Refresh Rate Display နဲ့ဆိုတော့ Game ဆော့ရတာ လုံးဝ ရှယ်ပါပဲ။ အထူးသဖြင့် လှုပ်ရှားမှုမြန်တဲ့ FPS ဂိမ်းတွေ Esports ဂိမ်းတွေ ဆော့တဲ့အခါ သိသိသာသာ ပိုကောင်းပါတယ်။

Battlefield V လို လိုအပ်ချက်မြင့်တဲ့ ဂိမ်းတွေဆိုလည်း High Settings မှာ အနည်းဆုံး 60fps လောက်နဲ့ ဆော့နိုင်တာကြောင့် Performance ကတော့ ပြောစရာ မလိုပါဘူး။

GTX 1660 Ti မှာ Video Encoder အသစ် ပါတာကြောင့် Hardware-acclerated Capture နဲ့ Livestream လွှင့်ရင်လည်း ဗီဒီယိုအရည်အသွေး ပိုကောင်းတာ တွေ့ရပါလိမ့်မယ်။

အမြင့်ဆုံး 32GB DDR4-2400 Memory အထိ စိုက်နိုင်ပါတယ်။ ဗီဒီယို Editing လုပ်တာ၊ ဓာတ်ပုံပြင်တာ၊ ပုံဆွဲတာ စတဲ့ သာမန် Content ဖန်တီးမှုပိုင်းကတော့ အေးဆေး လောက်ပါတယ်။

Storage မှာ PCIE M.2 SSD ကို 512GB အထိ အသုံးပြုနိုင်တာကြောင့် Boot တက်တာ၊ Application Loading တက်တာတွေလည်း တော်တော်မြန်ပါတယ်။ နောက်ထပ် 1TB SATA HDD တလုံး ထပ်တပ်နိုင်ပါသေးတယ်။

FHD NanoEdge Display

Display ကို ကြိုက်တဲ့ နောက်တချက်က ဘောင်တွေ (Bezel) တော်တော်သေးသွားတာပါ။ စခရင် ပိုကြီးသွားသလို ခံစားရပါတယ်။ Gaming ဆော့ရင်ပဲ ဖြစ်ဖြစ်၊ ရုပ်ရှင်ဗီဒီယိုကြည့်ရင်ပဲ ဖြစ်ဖြစ် ပိုပြီး နစ်မျောခံစားနိုင်မှာပါ။ Bezel သေးသွားတာကြောင့် ကိုယ်ထည်အရွယ်အစားလည်း ပိုသေး၊ ပိုကျစ်သွားပါတယ်။ vIPS-level နည်းပညာ ပါဝင်တာကြောင့် Viewing Angles ပိုကျယ်သွားပါတယ်။ ဆိုလိုတာက Display ကို ဘေးဘက်ထောင့်က ကြည့်ရင်လည်း အလင်းအမှောင် မညီတော့တာ၊ ကာလာကျသွားတာတွေ မရှိဘဲ ပုံမှန်အတိုင်း ကာလာစိုစို ကြည်ကြည်လင်လင်နဲ့ ကြည့်နိုင်ပါတယ်။ သူငယ်ချင်းတွေနဲ့ ရုပ်ရှင် တူတူ ထိုင်ကြည့်ကြတဲ့အခါ ဒီဘက်နည်းနည်းစောင်းပါဦး၊ အောက်လေးစိုက်ပါဦးတွေ သိပ်ပြောနေရမှာ မဟုတ်ပါဘူး။

15.6-inch နဲ့ အားမရဘူး ဆိုတဲ့သူတွေအတွက်လည်း စခရင်ပိုကြီးတဲ့ FX705 ရှိပါတယ်။ သူက 17.3-inch (60Hz) Display နဲ့ပါ။

Overstroke နည်းပညာနဲ့ RGB Keyboard

Gaming အတွက် အထူးဒီဇိုင်းထုတ်ထားတဲ့ RGB Chiclet Keyboard နဲ့ ဖြစ်ပါတယ်။ WASD Keys တွေကိုလည်း FPS Players တွေအတွက် သီးသန့် ဒီဇိုင်း လုပ်ပေးထားတာ တွေ့ရပါတယ်။ ကီးတခုချင်းစီအလိုက် Per-key RGB တော့ မဟုတ်ပါဘူး။

ကီးတခုချင်းစီကို ASUS Overstroke နည်းပညာနဲ့ ထုတ်လုပ်ထားတာကြောင့် အားသိပ်စိုက်စရာမလိုဘဲ သက်တောင့်သက်သာ နဲ့ နှိပ်နိုင်ပါတယ်။ Key Travel 1.8mm ပဲ တာကြောင့် Response Rate ပိုမြန်၊ Typing ပိုမြန်သွားမှာပါ။ FN Keys တွေ Numpad တွေလည်း အစုံ ပါဝင်ပါတယ်။ အကြိမ်ရေ သန်း ၂၀ အထိ စိတ်ချလက်ချ နှိပ်နိုင်ပါတယ်။

HyperCool Thermal Design

Gaming Laptop တလုံးမှာ Performance ကောင်းကောင်း ကြာရှည်ရဖို့အတွက် အပူချိန်က အရမ်း အရေးကြီးပါတယ်။ ဒီအတွက် TUF Gaming Laptop မှာ Dual-fan ဒီဇိုင်းကို အသုံးပြုထားသလို၊ Heatpipe တခုကို အသုံးပြုပေးထားပါတယ်။ ကိုယ်ထည်တွင်း ဝင်ရောက်နေတဲ့ ဖုန်အမှုန်အမွှားတွေကို ပန်ကာဘေးမှာ ရှိတဲ့ ဖုန်ထုတ်လမ်းကြောင်းကနေ အပြင်ကို ပြန်မှုတ်ထုတ်ပေးမယ့် Anti-Dust Cooling (ADC) စနစ်လည်း ပါဝင်ပါတယ်။

ဂိမ်းအကြာကြီး ဆော့လို့ အပူချိန်တက်လာတဲ့အခါ Cooling Performance မြှင့်ပေးမယ့် ‘Turbo Mode’ လည်း ပါဝင်ပါတယ်။ Fan Mode တွေကို FN + F5 နှိပ်ပြီး အလွယ်တကူ ပြောင်းနိုင်ပါတယ်။ Web browsing နဲ့ စာရိုက်တာ လောက်ပဲ သုံးမယ်ဆိုရင် Silent Mode လုပ်ထားတာက အဆင်ပြေပါတယ်။ ပန်ကာသံလည်း သိပ်မထွက်တာကြောင့် အနှောင့်အယှက် မဖြစ်ပါဘူး။ Balanced Mode ကတော့ ထွက်တဲ့ Heat အလိုက် ပန်ကာလည်နှုန်းကို အလိုအလျောက် ချိန်ပေးသွားမှာပါ။ Turbo Mode ကတော့ လုံးဝ မြန်နှုန်းအပြည့်နဲ့ Cooling လုပ်ပေးမှာ ဖြစ်ပါတယ်။

ဒီလောက်ဆိုရင်တော့ ASUS TUF Gaming FX505 DD/DT/DU မော်ဒယ်တွေအကြောင်း ကောင်းကောင်း သိလောက်ပြီ ထင်ပါတယ်။ ဈေးနှုန်းကတော့ ကိုယ်လိုချင်တဲ့ Specs အလိုက် ကွာခြားသွားပါလိမ့်မယ်။

Ryzen 5-3550H ၊ GeForce GTX 1050 ၊ 8GB DDR4 RAM ၊ 1TB SATA HDD ၊ 120Hz FHD Display နဲ့ TUF FX505DD ကိုမှ ၈၂၉ ဒေါ်လာပဲ ပေးရမှာပါ။ Entry-level Gaming Laptop တွေထဲမှာ ဒီဈေးနဲ့ ဒီ Specs နဲ့က မဆိုးဘူး ပြောလို့ ရပါတယ်။

ဒီ့ထက် ပိုသုံးနိုင်တယ်ဆိုရင်တော့ Ryzen 7-3750H Processor ၊ GTX 1660Ti (6GB VRAM) ၊ 8GB DDR4 RAM ၊ 512GB NVME M.2 SSD ၊ 120Hz FHD Display နဲ့ TUF FX505DU ကို ရွေးချယ် သင့်ပါတယ်။ ၁,၁၉၉ ဒေါ်လာ ဆိုတော့ နောက်ထပ် ဒေါ်လာ ၃၀၀ ပဲ ပိုပေးရမှာပါ။

Ryzen 7-3750H Processor ၊ GeForce RTX 2060 ၊ 16GB DDR4 RAM ၊ 512GB SSD ၊ 120Hz FHD Display နဲ့ အမြင့်ဆုံးမော်ဒယ် ASUS TUF FX505DV ကိုတော့ ၁,၆၀၀ ဒေါ်လာ ပေးရမှာပါ။

Performance ကောင်းကောင်းနဲ့ Entry-level Gaming Laptop တလုံး လိုချင်တယ်ဆိုရင်တော့ ASUS TUF Gaming FX505 (AMD Edition) Gaming Laptop တွေကို မေ့ထားလို့ မရပါဘူး။ ယခု ဇူလိုင်လအတွင်း ပြည်တွင်းဈေးကွက်မှာ စတင်ရောင်းချပေးမှာ ဖြစ်ပါတယ်။

AMD Processor နဲ့ Nvidia GPU တွဲဖက် အသုံးပြုထားတဲ့ ASUS TUF FX505

%d bloggers like this: