လက်သမား စက်ရုပ်ကို ပြသလိုက်တဲ့ ဂျပန်

ဂျပန်မှ Advanced Industrial Science and Technology, or AIST က နေအိမ် တည်ဆောက်နိုင်တဲ့ စက်ရုပ်ကို တီထွင်လိုက်ပါတယ်။ သူဟာ လူတူ စက်ရုပ် ဖြစ်ပါတယ်။ သူ့ရဲ့ အလုပ်လုပ်ပုံကို ပြသထားတဲ့ ဗီဒီယိုမှာ သူဟာ နံရံများကို တပ်ဆင်နေတာကို တွေ့ရပါတယ်။ သူ့ရဲ့ အမည်ကတော့ HRP-5P ဖြစ်ပြီး သူ့မှာ အလုပ်များ လုပ်ဖို့ ခေါက်ချိုး လှည့်ပတ်နိုင်တဲ့ လက်တံများနဲ့ ချိတ်များ ပါပါတယ်။ သူက နံရံမှာ သံမှိုများ ရိုက်ထည့်နေတာကိုလည်း ဗီဒီယိုမှာ မြင်ရပါတယ်။

AIST က ဂျပန်မှာ အလုပ်သမား ရှားပါးမှုများနဲ့ သက်ကြီးရွယ်အိုများ များပြားလာတဲ့အတွက် ဒီစက်ရုပ်ကို သူတို့ အစား ဆောက်လုပ်ရေး လုပ်ငန်းများမှာ အသုံးပြုနိုင်ဖို့ မျှော်လင့်ထားပါတယ်။ အဆောက်အဦးများ၊ နေအိမ်များ၊ လေယာဉ်ပျံများ၊ သင်္ဘောများ တည်ဆောက်ရာမှာ ကူညီနိုင်တဲ့ စက်ရုပ် ဖြစ်အောင် ဖန်တီးဖို့ AIST က ရည်ရွယ်ထားပါတယ်။

ဒီလို အလုပ်မျိုးကို စက်ရုပ်များက ပြုလုပ်နိုင်တော့မယ်လို့ လွန်ခဲ့တဲ့ နှစ်အနည်းငယ်အတွင်းက သုတေသန ပညာရှင်များက ဟောကိန်းထုတ်ထားပါတယ်။ ၂၀၁၃ ခုနှစ်မှ Oxford University ရဲ့ စစ်တမ်းက နံရံများ တပ်ဆင်တဲ့ လူသားများရဲ့ အလုပ်အကိုင်များကို စက်ရုပ်များက ၇၉ ရာခိုင်နှုန်းလောက် လုယူသွားမယ်လို့ ဖော်ပြထားပါတယ်။

ဆောက်လုပ်ရေး လုပ်ငန်းများမှာ စက်ရုပ်များကို အသုံးပြုနေတာ ကြာပါပြီ။ အုတ်စီခြင်း၊ လက်သမား အလုပ်များ၊ အမိုးမိုးခြင်း စတဲ့ အလုပ်များကို ပြုလုပ်နိုင်တဲ့ စက်ရုပ်များကို မြင်ခဲ့ကြရပြီးပါပြီ။ အခုဆိုရင် နေအိမ်တစ်လုံးကို တစ်ရက်အတွင်း တည်ဆောက်ပေးတဲ့ 3D Printing Robot များတောင် ပေါ်လာပါပြီ။

Ref : theverge

လက်သမား စက်ရုပ်ကို ပြသလိုက်တဲ့ ဂျပန်

%d bloggers like this: