Huawei က သူ့ဖုန်းများရဲ့ Lockscreen မှာ မှားယွင်းပြသနေတဲ့ ကြော်ညာများကို ဖယ်ရှားလိုက်ပြီ

ဒီတစ်ပတ်ထဲမှာ ဟွာဝေး ဖုန်း ပိုင်ရှင် အချို့ဟာ Lockscreen မှာ Booking.com မှ ကြော်ညာများကို မြင်နေရတယ်လို့ ပြောကြပါတယ်။ Android Police က ကမ္ဘာအဝန်းမှ ဟွာဝေးဖုန်းများမှာ အဲဒီ ကြော်ညာများကို မြင်ရတယ်လို့ ပြောပါတယ်။ အဲဒီ စမတ်ဖုန်းများထဲမှာ Huawei P30 Pro, P20, P20 Lite, P20 Pro, Mate 20 Pro, Honor 10 များ ပါဝင်ပါတယ်။ အခြား မော်ဒယ်များလည်း ပါနိုင်ပါတယ်။ Reddit နဲ့ Twitter မှာလည်း ဒီပြဿနာကို User များက ပို့စ်တင်ထားကြပါတယ်။

ကြိုတင်ထည့်သွင်းထားတဲ့ Landscape Background Wallpaper များကို အသုံးပြုတဲ့ ဖုန်းများမှာ အဲဒီကြော်ညာများ ပေါ်လာတာ ဖြစ်ပါတယ်။ Reddit User တစ်ဦးက Magazine Unlock မှ Wallpapers များကို ဖယ်ရှားလိုက်ရင် ကြော်ညာများဟာ ခဏတာ ပျောက်သွားတယ်လို့ ပြောပါတယ်။ ဖုန်းမှာ ကြိုတင် မထည့်ထားတဲ့ Wallpaper ကို သုံးရင်တော့ ကြော်ညာများကို လုံး၀ မမြင်ရတော့ပါဘူး။

အခုတော့ ဟွာဝေးက ဒီပြဿနာကို ဖြေရှင်းပေးလိုက်ပါပြီ။ ဟွာဝေးက ကုမ္ပဏီရဲ့ ဆာဗာကနေ အဲဒီ Wallpapers များကို ဖယ်ရှားလိုက်ပြီလို့ XDA Developers အား အတည်ပြုလိုက်ပါတယ်။ Booking.com ရဲ့ ကြော်ညာများကို ဖုန်းရဲ့ Lockscreen မှာ မမြင်ရတော့ပါဘူး။ ဟွာဝေးက ဒီကိစ္စအတွက်လည်း တရားဝင် တောင်းပန်လိုက်ပါတယ်။

Ref : 9to5Google

Huawei က သူ့ဖုန်းများရဲ့ Lockscreen မှာ မှားယွင်းပြသနေတဲ့ ကြော်ညာများကို ဖယ်ရှားလိုက်ပြီ

%d bloggers like this: