Redmi က Samsung ရဲ့ 64MP Camera တပ်ဆင်ထားတဲ့ ဖုန်းကို ဖန်တီးနေ

Samsung က ပြီးခဲ့တဲ့ လက 64MP ISOCELL Bright GW1 Sensor ကို ကြေညာခဲ့ပါတယ်။ အခုတော့ အဲဒီ ကင်မရာ တပ်ဆင်ထားတဲ့ စမတ်ဖုန်းတစ်လုံးကို Redmi က ဖန်တီးနေပြီး ဒီနှစ်ရဲ့ ဒုတိယ နှစ်ဝက်မှာ ကြေညာမယ်လို့ သတင်းထွက်လာပါတယ်။ Bright GW1 ဟာ Pixel ၄ ခုကို ၁ ခုအဖြစ် ပေါင်းစပ်ခြင်းဖြင့် 16MP Image များကို ထုတ်လုပ်ပေးနိုင်ပါတယ်။ လက်ရှိ 48MP Camera များက 12MP Image များကို ဖန်တီးပေးသလို ဖြစ်ပါတယ်။ ဆမ်ဆောင်းရဲ့ ဆန်ဆာ အသစ်ဟာ အလင်းရောင်ကောင်းတဲ့ အခြေအနေများမှာ 64MP Image များကို ထုတ်လုပ်ပေးနိုင်ပါတယ်။

48MP Camera များကို စမတ်ဖုန်းများမှာ အသုံးပြုနေကြပါပြီ။ Samsung , Huawei , OPPO , Vivo , Xiaomi နဲ့ အခြား ဖုန်း ကုမ္ပဏီများက 48MP Camera ပါတဲ့ စမတ်ဖုန်းများကို ထုတ်လုပ်ရောင်းချနေကြပါတယ်။ ဆမ်ဆောင်းက ဒီနှစ် ဒုတိယ နှစ်ဝက်မှာ 64MP Camera များကို အမြောက်အများ ထုတ်လုပ်ရောင်းချမယ်လို့ ထင်ရပါတယ်။ ဒီနှစ်ထဲမှာပဲ 64MP Camera ပါတဲ့ စမတ်ဖုန်းတွေ ထွက်လာနိုင်ပါတယ်။

Samsung က 64MP Camera ပါတဲ့ Galaxy A70S ကို ထုတ်လုပ်ရောင်းချမယ်လို့ သတင်းထွက်ခဲ့ပါတယ်။ Galaxy A70S ကို ၂၀၁၉ ခုနှစ် ဒုတိယ နှစ်ဝက်မှာ ရောင်းချမှာ ဖြစ်ပါတယ်။ သူ့ရဲ့ 64MP Camera Sensor ဟာ Low-light Photo များအတွက် အလွန်ကို ကောင်းမွန်မှာ ဖြစ်ပါတယ်။ Dynamic Range များကလည်း အရမ်းကို လန်းမှာ ဖြစ်ပါတယ်။

Ref : fonearena

Redmi က Samsung ရဲ့ 64MP Camera တပ်ဆင်ထားတဲ့ ဖုန်းကို ဖန်တီးနေ

%d bloggers like this: