Pokemon Go ရဲ့ Hacked Version များကို ဖန်တီးသူများအား Niantic Labs က တရားစွဲ

Niantic Labs က ၂၀၁၆ ခုနှစ်မှာ ဖြန့်ချီခဲ့တဲ့ Pokemon Go အမည်ရ Augmented Reality Game ဟာ အလွန် ပေါက်ခဲ့ပါတယ်။ လမ်းမများကို ထွက်ပြီး အကောင်များကို ဖုန်းနဲ့ ရှာဖွေဖမ်းဆီးရတဲ့ ဂိမ်း ဖြစ်ပါတယ်။ သူ့ကြောင့် အများပြည်သူ လမ်းမများမှာ အုတ်အော်သောင်းနင်း ဖြစ်ခဲ့ကြပါတယ်။ ဂိမ်းတစ်ခုပေါက်ရင် သူ့ရဲ့ Hacked Version များ ပေါ်လာတတ်ကြပါတယ်။ အဲဒီ Hacked Version များမှာ Cheat လုပ်လို့ရအောင် ပြုလုပ်ပေးထားပါတယ်။

Pokemon Go ကို ၂၀၁၆ ခုနှစ်မှာ စတင် ဖြန့်ချီစဉ်ကတည်းက Niantic Labs ဟာ Cheat လုပ်တဲ့ ပြဿနာများကို တိုက်ဖျက်ခဲ့ရတာ ဖြစ်ပါတယ်။ အခုလည်း Niantic Labs က Pokemon Go နဲ့ Ingress များရဲ့ Hacked Versions များကို ဖန်တီးနေတဲ့ ဟက်ကာ အုပ်စုတစ်ခုကို တရားစွဲလိုက်ပါတယ်။ ဟက်ကာအုပ်စုရဲ့ အမည်က Global++ ဖြစ်ပြီး သူတို့ဟာ Hacked Version များ ဖြစ်တဲ့ PokeGo++ နဲ့ Ingress++ များကို ဖန်တီးထားတာ ဖြစ်ပါတယ်။

ဟက်ကာ အုပ်စုဟာ အဲဒီ ဂိမ်းများကနေ ဝင်ငွေ ရရှိနေကြတယ်လို့ Niantic Labs က ပြောပါတယ်။ ကုမ္ပဏီက လူပေါင်း ၂၀ ကျော်ကို တရားစွဲထားပါတယ်။ အဲဒီအထဲမှာ Ryan “ElliotRobot” Hunt ဟာ ဟက်ကာ အုပ်စုရဲ့ ခေါင်းဆောင်ဖြစ်ပြီး Hacked Version များကို အဓိက ဖန်တီးသူ ဖြစ်တယ်လို့ ကုမ္ပဏီက ပြောပါတယ်။ အဓိက ခေါင်းဆောင် နောက်တစ်ယောက်က Alen “iOS n00b” Hundur ဖြစ်ပါတယ်။ သူက Hacked Version များကို ကူညီ ဖန်တီးပေးသူ ဖြစ်ပြီး YouTube မှာ အရောင်းမြှင့်တင်ပေးသူ ဖြစ်ပါတယ်။

Ref : digitaltrends

Pokemon Go ရဲ့ Hacked Version များကို ဖန်တီးသူများအား Niantic Labs က တရားစွဲ

%d bloggers like this: