သင့် စမတ်ဖုန်းမှာ မိုဘိုင်း ဒေတာ သက်သာစေမယ့် App များ

Android မှာ Facebook လို လူမှုကွန်ရက်များ အသုံးပြုခြင်း၊ ဝက်ဆိုက်များကြည့်ခြင်း အပါအဝင် အင်တာနက် အသုံးပြုတဲ့ လူများအတွက် မိုဘိုင်းဒေတာကို သက်သာစေတဲ့ Apps များ ရှိပါတယ်။ အဲဒီ Apps များထဲမှ သင်နဲ့ သင့်တော်တဲ့ တစ်ခုကို ရွေးချယ် အသုံးပြုရင်တော့ ဖုန်းဘေကို သက်သာစေမှာ ဖြစ်ပါတယ်။

Opera Max

Opera Max က သင့်ရဲ့ မိုဘိုင်းဒေတာကို ၅၀ ရာခိုင်နှုန်းအထိ လျှော့ချပေးနိုင်ပါတယ်။ သူက ဒေတာများကို ချုံ့ပေးတဲ့ VPN ဖြစ်ပါတယ်။ သင့်ဖုန်းမှ App တစ်ခုက အင်တာနက် ချိတ်ဆက်တဲ့အခါမှာ သူ့ရဲ့ ဆာဗာများကနေ ဖြတ်သန်းစီးဆင်းစေပြီး သင့်ဖုန်းထံ ဒေတာများ ဒေါင်းလုပ် မလုပ်ခင်မှာ ချုံ့ပေးပါတယ်။ သူက မိုဘိုင်းဒေတာနဲ့ ဝိုင်ဖိုင် ၂ မျိုးစလုံးအတွက် အလုပ်လုပ်ပေးပြီး YouTube အပါအဝင် App အားလုံးအတွက် ဒေတာများကို ချုံ့ပေးပါတယ်။ သူက VPN ဖြစ်တဲ့အတွက် အင်တာနက်မှာ သင့်ကို ခြေရာဖျောက်ပေးနိုင်ပါသေးတယ်။

Download

Opera Browser & Opera Mini

၀က်ဆိုက်များ ကြည့်ရှုမှုများသူများအတွက် Opera Browser ကို သုံးနိုင်ပါတယ်။ သူ့မှာ Opera Turbo လို့ခေါ်တဲ့ ဒေတာသက်သာစေတဲ့ စွမ်းဆောင်ချက် ပါပါတယ်။ ဒီစွမ်းဆောင်ချက်က ဓါတ်ပုံ၊ ဗီဒီယိုများ အပါအဝင် ဝက်ဆိုက်များမှ ဒေတာများကို ၅၀ ရာခိုင်နှုန်းအထိ ချုံ့ပေးပါတယ်။ ဒီထက်ပိုပြီး ဒေတာ သက်သာချင်ရင် Opera Mini ကို အသုံးပြုပါ။ ဒါပေမယ့် သူ့မှာ Opera ရဲ့ စွမ်းဆောင်ချက် အချို့တော့ မပါပါဘူး

Download Opera or Opera Mini

NetGuard

နောက်ကွယ်မှာ သင် မသိဘဲ Run နေတဲ့ Apps များကလည်း မိုဘိုင်းဒေတာကို ကုန်စေပါတယ်။ Firewall App ဖြစ်တဲ့ NetGuard က သင့်ဖုန်းမှ အင်တာနက် ချိတ်ဆက်နိုင်မယ့် Apps များကို ကောင်းစွာ ထိန်းချုပ်ခွင့်ပေးပါတယ်။ App တစ်ခုချင်းစီအတွက် မိုဘိုင်းဒေတာ၊ ဝိုင်ဖိုင် အသုံးပြုခြင်းကို ပိတ်ပင်၊ ခွင့်ပြုပေးနိုင်ပါတယ်။

Download

My Data Manager

My Data Manager က ဒေတာ အသုံးပြုတဲ့ Apps များနဲ့ အသုံးပြုတဲ့ ပမာဏကို တွက်ချက်ပေးပါတယ်။ ဒေတာ အသုံးပြုမှုကို အချိန်နဲ့ တစ်ပြေးညီ Notification ဖြင့် အသိပေးနိုင်သလို Widget ကနေလည်း အချိန်ပြည့် သိနိုင်ပါတယ်။ သင် သတ်မှတ်ထားတဲ့ ဒေတာပမာဏကို မကျော်သွားအောင်လည်း သူက အသိပေးနေမှာပါ။

Download

ref : makeuseof

သင့် စမတ်ဖုန်းမှာ မိုဘိုင်း ဒေတာ သက်သာစေမယ့် App များ

%d bloggers like this: