Huawei က သူ့ OS ပါတဲ့ Device များကို အောက်တိုဘာလမှာ ရောင်းမည်

တရုတ်မှ သတင်းများအရ Huawei ဟာ သူ့ကိုယ်ပိုင် HongMeng OS ပါတဲ့ Device များကို အောက်တိုဘာလမှာ စတင် ရောင်းချမယ်လို့ သိရပါတယ်။ နိုင်ငံတကာမှာတော့ Ark OS အမည်နဲ့ ရောင်းချနိုင်ပါတယ်။ ဒါပေမယ့် အဲဒီ OS ကို Mate 30 Series များမှာ ထည့်သွင်းထားမှာ မဟုတ်ပါဘူး။ တရုတ်မှာ ရောင်းချမယ့် စွမ်းဆောင်ရည်နိမ့်နဲ့ စွမ်းဆောင်ရည်သင့် စမတ်ဖုန်းများမှာ HongMeng OS ကို ထည့်သွင်းထားနိုင်ပါတယ်။

Global Times ရဲ့ သတင်းအရ အဲဒီ OS အသစ်ကို Tencent နဲ့ အတူ ဟွာဝေးက ပူးပေါင်းထုတ်လုပ်ထားတယ်လို့ သိရပါတယ်။ OPPO နဲ့ Vivo တို့ကလည်း အဲဒီ OS ကို စမ်းသပ်ပြီးပြီ ဖြစ်ပြီး Google ရဲ့ Android OS ထက် ၆၀ ရာခိုင်နှုန်း ပိုမို မြန်ဆန်တယ်လို့ သိရပါတယ်။

အဲဒီ OS ဟာ နိုင်ငံတကာမှ စားသုံးသူများရဲ့ လိုအပ်ချက်နဲ့ မပြည့်စုံသေးတဲ့ အတွက် တရုတ်မှာ အဲဒီ OS ကို စတင် ဖြန့်ချီပေးတာ ဖြစ်ပါတယ်။ Huawei ရဲ့ Ecosystem သာ ကောင်းမွန်လာမယ်ဆိုရင် နောက်နှစ်မှာ ကြေညာမယ့် Mate 30 , P40 Series များမှာ အဲဒီ OS ကို ထည့်သွင်းထားနိုင်ပါတယ်။

အမေရိကန်ရဲ့ စီးပွားရေး ပိတ်ပင်မှုများရှိနေပေမယ့်လည်း ဟွာဝေးဟာ ၂၀၁၈ ခုနှစ်ရဲ့ ဖုန်းရောင်းအား ဖြစ်တဲ့ သန်း ၂၀၀ ကို ကျော်သွားနိုင်မယ်လို့ ပညာရှင်များက တွက်ချက်ထားပါတယ်။ ၂၀၁၉ ခုနှစ်မှာ အလုံးရေ ၂၁၅ သန်းကနေ ၂၂၅ သန်း အထိ ရောင်းချရမယ်လို့ ပြောပါတယ်။ ဟွာဝေးဟာ သူ့ရဲ့ ကမ္ဘာ့ ဒုတိယ အကြီးမားဆုံး စမတ်ဖုန်း ကုမ္ပဏီနေရာကို ဆုပ်ကိုင်ထားနိုင်မယ်လို့ သုံးသပ်ထားပါတယ်။

Ref : gsmarena

Huawei က သူ့ OS ပါတဲ့ Device များကို အောက်တိုဘာလမှာ ရောင်းမည်

%d bloggers like this: