ZTE Axon 10 Pro 5G ကို တရုတ်မှာ ရောင်းပြီ

ZTE Axon 10 Pro ကို ပြီးခဲ့တဲ့ တစ်လက ကြေညာခဲ့ပါတယ်။ အခုတော့ သူ့ရဲ့ 5G Version ကို တရုတ်လမှာ နောက်လတွင် ရောင်းချပေးတော့မှာဖြစ်ပါတယ်။ ပြီးခဲ့တဲ့ လက သူ့ကို ဖင်လန်မှာ ရောင်းချပေးခဲ့ပါတယ်။ သူဟာ တရုတ်မှာ ရောင်းချတဲ့ ပထမဆုံး 5G Phone ဖြစ်လာမှာပါ။ သူ့မှာ 5G ပါတာကလွဲပြီး အခြား Specs များက သာမာန် မော်ဒယ်နဲ့ တူညီပါတယ်။

သူဟာ ယခင်နှစ်ထုတ် Axon 9 Pro ကိုများစွာ အဆင့်မြှင့်ထားတာပါ။ အရွယ်ကြီး Notch အစား အရွယ်သေး Notch ကို အစားထိုးထားပါတယ်။ လက်ဗွေရာ ကိရိယာကို အနောက်အစား မျက်နှာပြင်အောက်မှာ ထည့်ထားပါတယ်။

ကင်မရာ ၂ လုံးတပ် အစား ၃ လုံး ထည့်သွင်းထားပါတယ်။ အနောက်ကင်မရာ ၃ လုံးထဲမှာ 48MP Camera ပါပါတယ်။ ဒုတိယ တစ်လုံးမှာ 20MP Ultra Wide Camera ဖြစ်ပါတယ်။ တတိယ တစ်လုံးမှာ 8MP Telephoto Camera ဖြစ်ပါတယ်။ 48MP မှာ Pixel Binning နည်းပညာပါတဲ့ အတွက် Low light Photo တွေ ကောင်းပါတယ်။ အရှေ့ဘက်မှာ 20MP Camera ပါပါတယ်။

သူ့ရဲ့ မျက်နှာပြင် အရွယ်အစားမှာ ၆.၄၇ လက်မ ဖြစ်ပြီး 1080x2340p Resolution ဖြစ်ပါတယ်။ 6GB RAM , 128GB Storage များ ထည့်သွင်းထားပါတယ်။ X50 5G Modem ပါတဲ့ Snapdragon 855 Chipset ထည့်သွင်းထားမှာပါ။ 6/128GB Model ကို ၄၆၂ ဒေါ်လာနဲ့ 12/256GB Model ကို ၆၀၆ ဒေါ်လာ သတ်မှတ်ထားပါတယ်။

Ref : gsmarena

ZTE Axon 10 Pro 5G ကို တရုတ်မှာ ရောင်းပြီ

%d bloggers like this: