၂၀၂၁ ခုနှစ်မှာ မောင်းသူမဲ့ ကားရောင်းချဖို့ ရည်ရွယ်ထားတဲ့ Huawei

Huawei က လာမယ့် နှစ်နှစ်အတွင်းမှာ မောင်းသူမဲ့ ကား ထုတ်လုပ်ရောင်းချဖို့ ရည်ရွယ်ထားတယ်လို့ ကုမ္ပဏီရဲ့ နည်းဗျူဟာ အကြီးအကဲ Dang Wenshuan က ပြောပါတယ်။ Audi , Toyota တို့နဲ့ ပူးပေါင်းတည်ဆောက်မှာ ဖြစ်ပြီး မောင်းသူမဲ့ ကားနယ်ပယ်မှာ Google , Uber တို့ကို ယှဉ်ပြိုင်မှာပါ။ ဟွာဝေးက အထက်ပါ ကားထုတ်လုပ်သူများနဲ့ တရုတ် အခြေစိုက် ကားကုမ္ပဏီ နှစ်ခု ဖြစ်တဲ့ Beijing New Energy Automobile နဲ့ Changan Automobile ကို AI Software အား ပံ့ပိုးပေးမှာပါ။

ဟွာဝေးက သူ့ရဲ့ မောင်းသူမဲ့ ကားကို တရုတ်မှာ စတင် ရောင်းချမှာပါ။ အဲဒီနောက်မှာမှ နိုင်ငံတကာမှာ ရောင်းချမှာ ဖြစ်ပါတယ်။ The Financial Times ရဲ့ သတင်းအရ ဟွာဝေးဟာ ၂၀၂၁ ခုနှစ်မှာ မောင်းသူမဲ့ ကားကို ရောင်းချဖို့ စီစဉ်ထားတယ်လို့ သိရပါတယ်။ Dang Wenshuan က “ မောင်းသူမဲ့ ကား ဟာ့ဒ်ဝဲများကို အသုံးပြုရင် ၂၀၂၁ သို့မဟုတ် ၂၀၂၂ ခုနှစ်မှာ မောင်းသူမဲ့ ကားကို ရောင်းချနိုင်ဖို့ ကျွန်တော်တို့ ပူးပေါင်းလုပ်ကိုင်နိုင်မယ်လို့ ယုံကြည်ထားပါတယ်။ တရုတ်မှာ စတင် ရောင်းချမှာပါ။ နောက်ပိုင်းမှာ ဥရောပမှာလည်း ဈေးကွက်တိုးချဲ့မှာ ဖြစ်ပါတယ်။ “ လို့ ပြောပါတယ်။

ဟွာဝေးရဲ့ ဉာဏ်ရည်တု နည်းပညာ ထည့်သွင်းထားတဲ့ Audi ရဲ့ ကားဟာ အလိုအလျှောက် မောင်းနှင်နေတဲ့ ဗီဒီယိုကို The Financial Times က ပြသခဲ့ပါတယ်။ မောင်းသူမဲ့ ကားများကို ကားထုတ်လုပ်သူများ သာမက နည်းပညာ ကုမ္ပဏီများစွာက တီထွင်နေကြပါတယ်။ ဘယ်ကုမ္ပဏီက အရင်ဆုံးရောင်းနိုင်မလဲ ဆိုတာ စိတ်ဝင်စားစရာ ကောင်းပါတယ်။

Ref : dailymail

၂၀၂၁ ခုနှစ်မှာ မောင်းသူမဲ့ ကားရောင်းချဖို့ ရည်ရွယ်ထားတဲ့ Huawei

%d bloggers like this: