ကမ္ဘာ့ရောင်းအား အကောင်းဆုံး ဖုန်း ကုမ္ပဏီဖြစ်လာဖို့ အချိန်နှောင့်နှေးသွားမယ်လို့ ပြောတဲ့ Huawei

Huawei က ကမ္ဘာ့ရောင်းအား အကောင်းဆုံး ဖုန်း ကုမ္ပဏီဖြစ်လာဖို့ သူ့ရဲ့ ရည်မှန်းချက်ဟာ မကြာသေးခင်က ကိစ္စများကြောင့် နှောင့်နှေးသွားပြီလို့ ပြောလိုက်ပါတယ်။ ဟွာဝေး စီးပွားရေး လုပ်ငန်းစုရဲ့ မဟာဗျူဟာ အရာရှိ Shao Yang က “ ဒီနှစ်ရဲ့ နံပါတ် ၄ ကွာတားမှာ ဟွာဝေးဟာ ကမ္ဘာ့ အကြီးမားဆုံး စမတ်ဖုန်း ကုမ္ပဏီ ဖြစ်လာဖို့ အခြေအနေကောင်းနေပါတယ်။ အခုတော့ အချိန်စောင့်ဆိုင်းရတော့မယ်လို့ ထင်ပါတယ်။ “ လို့ ရှန်ဟိုင်းမှာ CES ကို ပြောတယ်လို့ သိရပါတယ်။

ယခုနှစ် အစောပိုင်းက ဟွာဝေးဟာ Apple ကို ကျော်တက်ပြီး ကမ္ဘာ့ ဒုတိယ စမတ်ဖုန်း ရောင်းအား အကောင်းဆုံး ဖြစ်လာပါတယ်။ အစောဆုံး အနေနဲ့ ဒီနှစ် ၊ နောက်အကျဆုံး အနေနဲ့ နောက်နှစ်ထဲမှာပဲ ဆမ်ဆောင်းကို ကျော်တက်မယ်လို့ ယုံကြည်ထားကြောင်းလည်း ဟွာဝေးက ပြောခဲ့ပါတယ်။ အခုတော့ အမေရိကန်ဈေးကွက်ကို ဟွာဝေးက စွန့်ခွာသွားရတော့မှာ ဖြစ်သလို ဂူဂယ်လ်ရဲ့ အန်းဒရွိုက် မောင်းနှင်စနစ်ကိုလည်း အသုံးပြုလို့ မရတော့ပါဘူး။

ဟွာဝေးရဲ့ လုပ်ဆောင်ချက်များစွာပါပြီး တန်ဖိုးသက်သာတဲ့ ဖုန်းများဟာ တရုတ်မှာ လူကြိုက်များနေပါတယ်။ တရုတ်မှာ ဘရန်းစွဲလမ်းမှုလည်း နည်းပါးပါတယ်။ ကုမ္ပဏီရဲ့ စွမ်းရည်မြင့် P30 Pro လို မော်ဒယ်များက အနောက် ဥရောပမှာ ရောင်းအားကောင်းနေပါတယ်။ ဒါ့အပြင် စွမ်းရည်သင့် Honor Brand များလည်း လူကြိုက်များနေပါတယ်။ အခုတော့ အမေရိကန်ရဲ့ ပိတ်ပင်မှုများကြောင့် နံပါတ် တစ်နေရာကို လုယူမယ့် ဟွာဝေးရဲ့ အိပ်မက်များက အချိန်ယူရတော့မှာပါ။

Ref : techradar

ကမ္ဘာ့ရောင်းအား အကောင်းဆုံး ဖုန်း ကုမ္ပဏီဖြစ်လာဖို့ အချိန်နှောင့်နှေးသွားမယ်လို့ ပြောတဲ့ Huawei

%d bloggers like this: