HongMeng OS ထည့်ထားတဲ့ Device ပေါင်း ၁ သန်း ထုတ်ထားတဲ့ Huawei

ပြီးခဲ့တဲ့မတ်လက တရုတ်နဲ့ အမေရိကန်တို့ ကုန်သွယ်ရေးစစ်ပွဲရေချိန်မြင့်မားနေချိန်မှာ Huawei ရဲ့ စီအီးအို Richard Yu က Android ကို သုံးလို့မရတော့ဘူးဆိုရင် ကိုယ်ပိုင် OS တစ်ခု ဖန်တီးထားတယ်လို့ ပြောခဲ့ပါတယ်။ မကြာခင်ကတော့ အမေရိကန်အစိုးရက သူ့နိုင်ငံမှာ Huawei ရဲ့ထုတ်ကုန်များတင်သွင်းခြင်းကို ပိတ်ပင်မယ်လို့ ကြေညာလိုက်ပါတယ်။ Google ကလည်း Android OS ကို ပိတ်ပင်မယ်လို့ ပြောခဲ့ပါတယ်။ Huawei ရဲ့ စမတ်ဖုန်းသန်းပေါင်းများစွာဟာလည်း Software Updates များကို ရရှိတော့မှာ မဟုတ်ပါဘူး။

အခုတော့ ဟွာဝေးက HongMeng OS ထည့်ထားတဲ့ Device ပေါင်း ၁ သန်းကို ထုတ်လုပ်ထားတယ်လို့ သတင်းထွက်လာပါတယ်။ Rosenblatt Securities ကနေ ဒီသတင်းထွက်လာတာ ဖြစ်ပြီး ဟွာဝေးက အဲဒီ Devices များကို စမ်းသပ်ဖို့ ပြင်ဆင်နေတယ်လို့ သိရပါတယ်။ အဲဒီ အလုံးများဟာ ဈေးကွက်ထဲရောင်းချဖို့ ရယ်ဒီ ဖြစ်နေတဲ့ အလုံးတွေလားဆိုတာ မသိရသေးပါဘူး။

Huawei ရဲ့ OS ကို ဖုန်း၊ ကွန်ပျူတာ၊ တက်ဘလက်၊ တီဗီ၊ ကား၊ ချပ်ဝတ်တန်ဆာကွန်ပျူတာနဲ့ အခြားထုတ်ကုန်များမှာ အသုံးပြုနိုင်မှာ ဖြစ်ပါတယ်။ OS မှာ Android Apps နဲ့ Web Apps များကိုပါ အသုံးပြုနိုင်မှာပါ။ Huawei ရဲ့ OS မှာ Android Apps များဟာ 60 ရာခိုင်နှုန်းပိုမြန်မယ်လို့ သိရပါတယ်။ ဆောင်းရာသီမတိုင်ခင်မှာ အစောဆုံးအနေနဲ့ စတင်ဖြန့်ချိပေးသွားမယ်လို့ သိရပါတယ်။

Ref : gsmarena

HongMeng OS ထည့်ထားတဲ့ Device ပေါင်း ၁ သန်း ထုတ်ထားတဲ့ Huawei

%d bloggers like this: