Xiaomi က ECG Sensor ပါတဲ့ Smart Watch 2 ကို ကြေညာ

Xiaomi ပိုင်တဲ့ Huami က စမတ်နာရီ အသစ်များကို ကြေညာလိုက်ပါတယ်။ Amazfit Smart Watch 2 မှာ Apple Watch 4 မှာလို ECG Sensor ထည့်သွင်းထားပါတယ်။ သူ့မှာ မျက်နှာပြင် အဝိုင်း ထည့်သွင်းထားပြီး ၁.၃၉ လက်မ OLED Display ဖြစ်ပါတယ်။ 454x454p Resolution ရှိပါတယ်။ မျက်နှာပြင် သိပ်သည်းဆမှာ 326ppi ဖြစ်ပါတယ်။ OLED Panel ကို Gorilla Glass 3 နဲ့ ကာကွယ်ထားပါတယ်။

Amazfit Smart Watch 2 မှာ Snapdragon Wear 2500 Chipset , 512MB RAM , 4GB Storage များ ထည့်သွင်းထားပါတယ်။ Amazfit OS ထည့်သွင်းထားပြီး စမတ်နာရီကို Android 4.4+ , iOS 10+ Phone များနဲ့ ချိတ်ဆက်နိုင်ပါတယ်။

Qualcomm Chipset က 4G ကို ထောက်ပံ့ပေးပြီး eSIM နဲ့ VoLTE များကို အသုံးပြုနိုင်ပါတယ်။ 420mAh Battery က 4G Mode မှာဆိုရင် ၂၈ နာရီ အသုံးခံပါတယ်။ မိုက်ကရိုဖုန်းနဲ့ စပီကာများ ပါပါတယ်။ GPS+GLONASS+BeiDou ဖြင့် တည်နေရာကို တိုင်းတာပေးပါတယ်။

ECG Sensor ပါတဲ့ မော်ဒယ်ကိုလည်း ထုတ်လုပ်ပေးထားပါတယ်။ နှလုံးခုန်နှုန်း ဒေတာများကို မိနစ် ၆၀ ကြာ တွက်ချက်တိုင်းတာပေးပြီး စမတ်နာရီထဲမှာပဲ သိမ်းဆည်းပေးထားပါတယ်။ Avenger Limited Edition ကိုလည်း ထုတ်လုပ်ထားပြီး အလုံးရေ ၅၀၀၀ သာ ရောင်းပေးမှာပါ။ ရေထဲဝတ်ဆင်သွားနိုင်ပါတယ်။ သာမာန် မော်ဒယ်ကို ၁၄၅ ဒေါ်လာနဲ့ ECG Model ကို ၁၉၀ ဒေါ်လာ သတ်မှတ်ထားပါတယ်။ Avenger Limited Edition ဟာ ၂၁၅ ဒေါ်လာ ကျသင့်ပါတယ်။

Ref : gsmarena

Xiaomi က ECG Sensor ပါတဲ့ Smart Watch 2 ကို ကြေညာ

%d bloggers like this: