လေဆာရောင်ခြည်နဲ့ အားသွင်းနိုင်တဲ့ ဒရုန်းကို ဖန်တီးနေတဲ့ အမေရိကန် စစ်တပ်

စွမ်းရည်မြင့် ဒရုန်းများတောင် တစ်ခါအားအပြည့်သွင်းထားရင် နာရီဝက်လောက်သာ ပျံသန်းနိုင်ကြပါတယ်။ အခုတော့ အမေရိကန် စစ်တပ်က လေပေါ်ပျံသန်းနေစဉ်မှာပင် လေဆာရောင်ခြည်ဖြင့် အားသွင်းနိုင်တဲ့ Drone ကို ဖန်တီးနေတယ်လို့ New Scientist က ပြောပါတယ်။ ပညာရှင်များဟာ မီတာ ၅၀၀ အကွာကနေ Photovoltaic Cells (Solar Panels) များထံ လေဆာရောင်ခြည်များ ပစ်လွှတ်ခြင်းဖြင့် အားသွင်းပေးမယ့် နည်းပညာကို စမ်းသပ်နေကြပါတယ်။

ဒီနည်းပညာကို ဒရုန်းများမှာသာ တပ်ဆင်နိုင်ရင် ဒရုန်းများဟာ နာရီပေါင်းများစွာ ပျံသန်းနိုင်မှာ ဖြစ်ပါတယ်။ အမြင့် ခပ်နိမ့်နိမ့်မှာ ပျံသန်းမယ့် ဒရုန်းများမှာ ဒီနည်းပညာကို ထည့်သွင်းမှာ ဖြစ်ပြီး အရွယ်ကြီး ဒရုန်းများမှာ ထည့်သွင်းမှာ မဟုတ်ပါဘူး။ အဲဒီ ဒရုန်းများကို ထောက်လှမ်းရေးအတွက် အသုံးပြုမှာ ဖြစ်ပါတယ်။

ဒါပေမယ့် ဒီနည်းပညာမှာ စိန်ခေါ်မှုများစွာ ရှိနေပါသေးတယ်။ လေဆာရောင်ခြည်ကို လျှပ်စစ် စွမ်းအင် အဖြစ် မပြောင်းလဲနိုင်ရင် သူဟာ အပူစွမ်းအင်သို့ ပြောင်းလဲသွားပြီး ဒရုန်းကို မီးလောင်ပျက်ဆီးစေမှာ ဖြစ်ပါတယ်။ ဒါ့အပြင် လေဆာရောင်ခြည်ကို ပစ်လွှတ်တဲ့ အခါ လူများ၊ ငှက်များ၊ ခရီးသည်တင် လေယာဉ်ပျံများတို့ကို ထိမိနိုင်တဲ့ ပြဿနာလည်း ရှိပါတယ်။

အမေရိကန် စစ်တပ်က ဒီပြဿနာကို ဖြေရှင်းဖို့အတွက် ပိုမို တိကျတဲ့ ပစ်ခတ်နည်းများကို ဖန်တီးနိုင်မယ်လို့ မျှော်လင့်ထားပါတယ်။ လက်ရှိမှာ မြေပြင်ကနေ မြေပြင်ကိုသာ ပစ်ခတ်စမ်းသပ်နေပါတယ်။ ၂၀၂၀ ခုနှစ်မှာ မြေပြင်ကနေ ဝေဟင်သို့ ပစ်ခတ် စမ်းသပ်နိုင်ဖို့ ရည်ရွယ်ထားပါတယ်။

လေဆာရောင်ခြည်နဲ့ အားသွင်းနိုင်တဲ့ ဒရုန်းကို ဖန်တီးနေတဲ့ အမေရိကန် စစ်တပ်

%d bloggers like this: