Microsoft က သူ့ အွန်လိုင်းစတိုးကနေ Huawei ရဲ့ Laptop များကို ဖယ်ရှား

အမေရိကန် အစိုးရက သူ့နိုင်ငံမှ ကုမ္ပဏီများဟာ ဟွာဝေးနဲ့ အလုပ်ပူးပေါင်းလုပ်ကိုင်ခြင်းကို ရပ်နားဖို့ ညွှန်ကြားထားပါတယ်။ အခုတော့ မိုက်ကရိုဆော့ဖ်လည်း ပါဝင်လာပါပြီ။ မိုက်ကရိုဆော့ဖ်က Windows OS အသုံးပြုခွင့်ကို ဟွာဝေးအား ပိတ်ပင်မလားဆိုတာကိုတော့ မပြောသေးပါဘူး။ ဒါပေမယ့် ကုမ္ပဏီက သူ့ရဲ့ အွန်လိုင်းစတိုးကနေ Huawei MateBook X Pro အား ဖယ်ရှားလိုက်ပုံပေါ်ပါတယ်။

Huawei MateBook X Pro ဟာ လက်ရှိ အမေရိကန် ဈေးကွက်ထဲက အကောင်းဆုံး ဝင်းဒိုး လက်ပ်တော့တစ်လုံး ဖြစ်ပါတယ်။ ဒါပေမယ့် ဝင်းဒိုး လိုင်စင် မရှိရင် ဘာမှလုပ်လို့ မရတော့ပါဘူး။ မကြာသေးခင်ကမှ MateBook X Pro ဟာ မိုက်ကရိုဆော့ဖ်ရဲ့ အွန်လိုင်းစတိုးကနေ ပျောက်သွားတာပါ။ စတိုးမှာ Huawei လို့ စာရိုက်ရှာရင်လည်း ဘာထုတ်ကုန်မှ မမြင်ရတော့ပါဘူး။ Microsoft ရဲ့ မြေပြင်စတိုးများမှာတော့ လက်ကျန် MateBook X Pro Laptop များကို ရောင်းချပေးနေတယ်လို့ The Verge က ပြောပါတယ်။

မိုက်ကရိုဆော့ဖ်ကသာ ဝင်းဒိုး အသုံးပြုမှုအား ပိတ်ပင်မယ်ဆိုရင် ဟွာဝေးရဲ့ ဆာဗာလုပ်ငန်းကိုပါ ထိခိုက်မှာပါ။ Microsoft အသိအမှတ်ပြု Huawei Servers များကို အသုံးပြုပြီး မိုက်ကရိုဆော့ဖ်နဲ့ ဟွာဝေးတို့ဟာ မိုက်ကရိုဆော့ဖ်ရဲ့ Azure Stack အတွက် Hybrid Cloud Solution ကို အတူတကွ လုပ်နေတာပါ။

ဟွာဝေးက သူ့ ဖုန်းများအတွက် ပရော်ဆက်ဆာနဲ့ မိုဒမ်များကို ကိုယ်တိုင် ထုတ်နေပေမယ့် သူ့လက်ပ်တော့များအတွက် Server Chips နဲ့ Processor များကို Intel က ထုတ်ပေးနေတာပါ။ Intel က အဲဒီ ထောက်ပံ့မှုတွေကိုလည်း ရပ်နားတော့မှာပါ။ ဟွာဝေးက ပြီးခဲ့တဲ့ နှစ်များအတွင်းမှာ Windows နဲ့ Android နှစ်ခုစလုံးအတွက် အစားထိုး ထုတ်ကုန်များကို ဖန်တီးနေခဲ့တာပါ။ ဟွာဝေးရဲ့ ထုတ်ကုန် အသစ်တွေကို စောင့်ကြည့်ရမှာပါ။

Ref : theverge

Microsoft က သူ့ အွန်လိုင်းစတိုးကနေ Huawei ရဲ့ Laptop များကို ဖယ်ရှား

%d bloggers like this: